Айыы кыһалара эмиэ хапсаҕайдыыллар

Сэтинньи 15 күнүгэр Манчаары Баһылай аатынан Успуорт национальнай көрүҥнэригэр өрөспүүбүлүкэтээҕи Киин иитиллээччилэригэр «Открытие сезона» күрэхтэһии буолан ааста.

Хапсаҕайга «Айыы кыһата» национальнай гимназия 1-кы кылааһын үөрэнээччитэ Сайдын Саввинов 1-3 кылаастарга 36 киилэҕэ кыайыылаах үрдүк аатын ылла. Онтон 4-с кылаас үөрэнээччитэ Кэскил Дормидонтов иккис миэстэҕэ таҕыста.

«Өй-санаа, эт-хаан өттүнэн тэҥҥэ сайдан, үөлээннээхтэргитин чөл-чэгиэн олоххо көҕүлээҥ, кылбар кыайыыларгытынан үөрэнэр кыһаҕытын ааттата туруҥ!» диэн, Сайдын Саввиновка уонна Кэскил Дормидонтовка алгыспытын аныыбыт!

Сайын САВВИНОВА.