Сонуннар

Хорсун буойун тренердэрбит албан ааттара үйэлэргэ ааттаныа

Ньурбатааҕы оҕо спорт оскуолатын волейболга тренерэ, анал байыаннай дьайыыга дойду көмүскэлигэр чиэстээхтик уонна хорсуннук сулууспалыы сылдьан суох буолбут Иван Иванович Яковлев төрөппүттэрэ, бииргэ төрөөбүттэрэ кини олорбут Октябрьскай нэһилиэгэр өйдөбүнньүк баннер туруордулар.

Кэлэр сылтан, спорду өрө туппут, үгүс оҕону волейбол көрүҥэр дьарыктаабыт Иван Яковлев аатынан улуустааҕы волейбол күрэҕэ сыллата ыытыллыа.

Саха Республикатын физическэй култуура уонна спорт туйгуна, үрдүкү категориялаах тренер, Р.М. Дмитриев аатынан Олимпийскай эрэллэри бэлэмниир училище үрдүкү категориялаах тренерэ, Ньурба улууһугар, республикабытыгар бокса сайдыытыгар сүҥкэн кылаатын киллэрбит, хорсун быһыыга-майгыга анал байыаннай дьайыыга кытта сылдьан биһиги кэккэбититтэн суох буолбут Станислав Семенович Потапов аата Убайаан орто оскуолатыгар Билии күнүн көрсө иҥэриллибитэ.

Бииргэ үлэлээбит доҕотторбут хорсун быһыылара, албан ааттара, дойдуга бэриниилээх буолуулара инникитин кинилэр иитиллээччилэригэр салҕаныа, кинилэр туһунан өйдөбүл өрүү тыыннаах буолуоҕа.

Ньурба улууһун спорт управлениетын пресс-киинэ.

Добавить комментарий

Ваш адрес email не будет опубликован. Обязательные поля помечены *

176515
Бүгүн : 81