Сонуннар

Благовещенскайтан түөрт мэтээллээх

Благовещенскай куоракка ССРС спордун маастара Алексей Ковалев кэриэһигэр көҥүл тустууга эр дьоҥҥо үгэс быһыытынан Бүтүн Россиятааҕы турнир ыытылынна.

Турнирга Амурскай, Сахалинскай, Иркутскай, Кемеровскай уобаластартан, Еврейскэй автономнай уобаластан, Приморскай, Хабаровскай, Забайкальскай, Красноярскай кыраайдартан, Бурятияттан, Саха сириттэн барыта 103 бөҕөс көбүөргэ таҕыста. Биһиги республикатын аатын алта бөҕөс көмүскээтэ.

Икки күннээх күрэхтэһии түмүгүнэн Петр Парников 70 киилэҕэ бастаата, Ньургун Терентьев (65 кг) иккистээтэ, Петр Ксенофонтов (70 кг) уонна Михаил Павлов (74 кг) үһүстээтилэр.

Ыйааһыннарын бэрээдэгинэн түһүлгэ кыайыылаахтарынан буолуллар: 57 кг – Саян Батоев (Забайкальскай), 61 кг – Эрдэм Борогшонов (Бурятия), 65 кг – Ачы Мортуй Оол (Красноярскай), 70 кг – Петр Парников (Саха сирэ), 74 кг – Амгалан Цыдеев (Бурятия), 79 кг – Владислав Лапаев (Благовещенскай), 86 кг – Аюр Жигжитов (Бурятия), 92 кг – Эмиль Рамазанов (Хабаровскай), 97 кг – Дмитрий Бадагуев (Иркутскай), 125 кг – Эрдэм Цыренжапов (Бурятия).

Манна даҕатан эттэххэ, бу өрөбүл күннэргэ «Триумф» Спорка бэлэмнэнии киинигэр Александр Крылов сырдык аатыгар көҥүл тустууга Бүтүн Россиятааҕы 2-с турнир ыытыллар. Сэрэйдэххэ, А.Ковалев турнирыгар ситиһиилээхтик тустубуттар эмиэ кытталлара буолуо.

«Дьулурҕан».   

Добавить комментарий

Ваш адрес email не будет опубликован. Обязательные поля помечены *

176510
Бүгүн : 76