Сонуннар

Бүтүн Россиятааҕы Тренер күнүгэр

Алтынньы 30 күнүгэр – Бүтүн Россиятааҕы тренер күнүгэр В.П. Керемясов аатынан Дьокуускай куорат 3 №-дээх спортивнай оскуолатыгар олимпийскай чемпион Павел Павлович Пинигин кэлэн, соторутааҕыта, бэйэтин тренерэ Дмитрий Петрович Коркин 95 сылыгар анаан таһаарбыт саҥа кинигэтин тренердэргэ үөрдэ-көтүтэ туттарда.

Оскуола 25 сыллаах үбүлүөйүнэн эҕэрдэлээтэ, оҕолорго – спордунан, чуолаан тустуунан дьарыктаныы эргиччи туһатын туһунан кэпсээтэ.

Дьокуускай куорат спортивнай тустууга федерациятын президенэ Руслан Михайлович Платонов, Саха Республикатын Ил Дарханын уонна СР дьыалаларга управлениетын салайааччыта Иван Васильевич Лазарев ааттарыттан – оскуола коллективыгар улахан чороон туттарда.

Ити курдук, Үөрэх уонна наука министиэристибэтин аатыттан тренер Степан Семенович Соркомов Махтал суругунан, тренер Николай Григорьевич Яковлев Бочуотунай грамотанан наҕараадаланнылар. Онтон ДЮСШ-3 дириэктэрэ Василий Васильевич Уйгуров уонна дириэктэри солбуйааччы Николай Петрович Иванов «Саха АССР 100 сыла» анал бэлиэнэн бэлиэтэннилэр.

Ити курдук, Дьокуускай куорат 3 №-дээх спортивнай оскуолатын тренердэрэ тустаах күннэрин үөрүүлээхтик бэлиэтээтилэр.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

176510
Бүгүн : 76