Сонуннар

Александр Крылов турнира: буряттар састааптара хайдаҕый?

Бу өрөбүллэргэ, алтынньы 14-15 күннэригэр «Триумф» Спорка бэлэмнэнии киинигэр Александр Крылов кэриэһигэр көҥүл тустууга Бүтүн Россиятааҕы иккис турнир ыытыллар.

Быйылгы түһүлгэҕэ ыалларбыт буряттар сэттэ киһинэн кытталларын туһунан биллэрдилэр. Ол – Жаргал Баяндуев (57 кг), Борис Баршуев (61 кг), Сандан Гармаев, Игорь Упхоев (70 кг), Тумэн Бодиев (74 кг), Буянто Шадапов (86 кг), Кирилл Эрхитуев (92 кг).

Бары даҕаны саха тустууну таптааччыларыгар биллэр, биһиги куораппытыгар элбэхтик тустубут эдэр бөҕөстөр. Жаргал Баяндуев Бурятия чемпиона, былырыын Ханты-Мансийскайга буолбут Россия эдэрдэргэ (23-гэр диэри саастаахтарга) күрэхтэһиитин иккис призера. Игорь Упхоев уонна Тумэн Бодиев эмиэ Россия эдэрдэргэ күрэхтэһиитин призердара.

Санатан эттэххэ, былырыын буряттар А.Крылов турнирыгар алта мэтээллэммиттэрэ: Евгений Жербаев (70 кг), Аюр Нимаев (92 кг) бастаабыттара, Игорь Упхоев (70 кг) иккис, Виктор Жербаев (65 кг), Тумэн Бодиев (74 кг), Аюр Жигжитов (79 кг) үһүс буолбуттара.

Быйыл хас мэтээли ылалларын көбүөр көрдөрүө.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

161111
Бүгүн : 165