Сонуннар

Белград-2023: Уолаттарбыт үөрдүбэтилэр

Көҥүл тустууга Олимпиадаҕа кыттар быраабы былдьаһыылаах аан дойду чемпионата түмүктүүр түһүмэххэ таҕыста. Чемпионат үһүс күнүгэр бырагыраама быһыытынан 65 уонна 97 кг ыйааһыннаах бөҕөстөр күрэхтэһиини саҕалаатылар.

Үгэс быһыытынан биир дойдулаахтарбыт хайдах кыттыбыттарын билиһиннэрэбит.

Чемпионат үһүс күнүгэр биһигиттэн, саха тустууга кыһатын иитиллээччилэриттэн икки киһибит туһунна. Хомойуох иһин, Австралияттан кыттар Георгий Окороков да, Беларусь Республикатын чиэһин көмүскүүр Ньургун Скрябин даҕаны биһигини үөрдүбэтилэр. Туһааннааҕынан Европа быйылгы чемпионнара Хаджи Алиевка (Азербайджан) уонна Вазген Теваняҥҥа (Армения) хоттордулар.

Салгыы күрэхтэһиигэ Алиевтаах Теванян финалга тиийбэтилэр. Онон аан дойду чемпионатыгар уолаттарбыт кыттыылара – мөлтөх.

Бүгүҥҥү финалистар:

65 кг. Исмаил Мусукаев (Венгрия) — Себастьян Ривера (Пуэрто-Рико).

97 кг. Ахмед Тажудинов (Бахрейн) — Магомедхан Магомедов (Азербайджан).

Россия бөҕөстөрүттэн Шамиль Мамедов уонна хамаанда хапытаана Абдулрашид Садулаев боруонса мэтээл иһин тустар кыахтаахтар. Барытын көбүөр көрдөрүө. Мамедов финал чиэппэригэр Мусукаевка 4:5 ахсаанынан сабырыйтарбыта. Онтон Садулаев финалга тахсар иһин хапсыһыыга Тажудиновка 2:9 ахсаанынан хотторон иһэн, эчэйиилээх буолан, салгыы тустубатаҕа.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

186566
Бүгүн : 270