Сонуннар

Уолбаҕа, Хайа Анныгар Күүлэйгэ ыҥырабыт

«Сахапечать» тэрилтэ уонна Таатта улууһун дьаһалтата, тыа хаһаайыстыбатыгар управлениета, спорка комитета уонна Уолба нэһилиэгэ кыттыһан, атырдьах ыйын 10-11 күннэригэр илиинэн от охсууга «Күүлэй» тэрийэллэр.

Бу тэрээһин «Уолба» тыа хаһаайыстыбатын тэрилтэтин салайааччыта Николай Николаевич Соломонов кэриэһигэр уонна Алексей Иванович Кладкин от охсуутугар олохтообут чулуу көрдөрүүтүн 85 сылыгар ананар.

Тэрийээччилэр ирдэбиллэринэн, хамаандалар үстүү кыттааччылаах буолуохтаахтар: 45-гэр диэри саастаах эр киһи, 45-тэн үөһэ саастаах эр киһи уонна 17-гэр диэри саастаах уол. Маны тэҥэ хамаанданы таһынан дьахталлар биирдиилээн кыттыылара көҥүллэнэр.

Кыайыылаахтар уонна иккис-үһүс буолбуттар сыаналаах бэлэхтэринэн уонна мэтээллэринэн наҕараадаланыахтара. Күүлэй сүрүн спонсордара – «Сахапечать» тэрилтэ уонна Таатта улууһун дьаһалтата.

Сайаапкаларгытын ushtatta@mail.ru электроннай аадырыска, Таатта улууһун тыа хаһаайыстыбатын управлениетыгар атырдьах ыйын 08 күнүгэр диэри ыытаҕыт. Күүлэй туһунан сиһилии манна ааҕыҥ: https://таатта.рф/article/102952. Билсэр телефоҥҥут: 89148227570.

«Дьулурҕан».

Вячеслав Алексеев хаартыскаҕа түһэриитэ. Горнай.

Добавить комментарий

Ваш адрес email не будет опубликован. Обязательные поля помечены *

161065
Бүгүн : 119