Сонуннар

“Күндү тренерим, мин сүрэхпэр куруук бааргын”

Вячеслав Павлович Карпов, биһиги дьиэ кэргэҥҥэ сырдык ыраас санаата, үтүө көмөтө уһун үйэлэргэ куруутун тыыннаах буолуо! 35 сыл тухары тренерим бэйэтин үтүө санаатынан, мин спортивнай, тренерскэй үлэбэр муҥура суох элбэх көмөнү оҥорбутун олус дириҥник сыаналыыбын, махтанабын!

Аан бастаан көрсүбүт күммүтүгэр өтө сэрэйэн көрбүтүм, сүдү улахан талааннаах киһини көрсүбүппүн. Миэхэ чопчу сыалы-соругу туруорбута, бэлэмнэнии хайдах барыахтааҕын, эрчиллэр базаҕын кэҥэтэргэ, тактикаҕа уонна стратегияҕа тугу уларытаммыт  ситиһиибитин үрдэтэрбитин сүбэлээбитэ.

-Кистэлэҥ, теорияҕа саҥа булууларгын кимиэхэ да көрдөрүмэ, сүрүҥ утарылаһааччылар билиэхтэрэ, результат наада, – диирэ.

Билиитэ, көрүүтэ олус киэҥ этэ. Үксүгэр афоризмы туттара, холобур, “Только сильный игрок знает, как он слабо играет”, “Шашки, шахматы, пробный камень мысли”, “Когда я молчал всегда выигрывал, когда болтал всегда проигрывал”, “От жизни нужно брать только нужное, остальное не замечать”, “Не надо делать никаких уступок на усталость!”…

Оскуоланы бүтэрээт да соҕуруу барбыт буоламмын, олоххо-дьаһахха билбэтим олус элбэх этэ, онно барытыгар Вячеслав Павлович үтүө сүбэһит, доҕор, суолдьут буолбута. Куруутун этэрэ: “Эн, үлэҕэр, дуоскаҕа эрэ баар боппуруостары быһаар. Иннин хоту туруоруммут сыалгын ситиһэ баран ис, олох чугуйума, кэннигин хайыһыма”, – диирэ, күн бэҕэһээ курдук.

Кини бэйэтэ улуу тренэргэ Д.П. Коркиҥҥа уһуйуллубут, дьоҕурдаах спортсмен, тренер буолан, ол ноҕуруускатын иҥэрэн, куруутун үөрэтэн такайан кэллэҕэ. Саха сиригэр дуобат спорда сайдыытыгар улахан өҥөлөөх! 1993- 2013 с.с. дуобат федерациятыгар вице-президент быһыытынан талыллан элбэх үлэни ыытан кэлбитэ. Ону туһунан сырдатыахха наада. Дьону бэйэтигэр тардар, күүстээх талааннаах этэ. Үрдүкү спортивнай маастарыстыба оскуолатыгар, Дуобат-саахымат киинигэр дириэктэрдээн да олордоҕуна, кини тула куруутун доҕотторо, атастара аттыгар баар буолаллара. Вячеслав Павлович тугу этэрин, кэпсиирин истээри күнү быһа да сылдьалларын билбэккэ хаалаллара, оннук кини бэйэтигэр күүскэ тардар абылаҥнаах этэ!

Александр АЗАРОВ, гроссмейстер.

Добавить комментарий

Ваш адрес email не будет опубликован. Обязательные поля помечены *

160227
Бүгүн : 127