Сонуннар

Аина Моисеева үрүҥ көмүһэ

Екатеринбург куоракка Студеннар спортарын норуоттар икки ардыларынааҕы фестиваля ыытылла турар. Фестивальга 36 дойду спортсменнара спорт 14 көрүҥэр күөн көрсөллөр.

Бу эдэр саас, спорт аан дойдутааҕы улахан таһымнаах күрэхтэһиитигэр Саха сирин спортсменнара эмиэ кытталлар. Биир дойдулаахтарбытыттан бастакы мэтээли дзюдоҕа Аина Моисеева аҕалла. Кини 48 киилэҕэ иккис миэстэҕэ тахсан, үрүҥ көмүс мэтээлинэн наҕараадаланна.

Дьахталларга дзюдо 48 кг түмүгэ: 1. Кристина Дудина (Россиятааҕы государственнай профессиональнай-педагогическай университет), 2. Аина Моисеева (М.К. Аммосов аатынан Хотугулуу Илиҥҥи федеральнай университет), 3. Алина Сергеева (Волгоградскайдааҕы физическэй культура государственнай академията), Марина Воробьева (Москватааҕы ИДьМ университетын Рязаннааҕы филиала).

Бу туһунан dzulurgan.ru сайтка анаан ХИФУ  М.К. Аммосов аатынан Хотугулуу Илиҥҥи федеральнай университет эт-хаан өртүнэн иитии уонна студеннар спортарын сайыннарыы киинин салайааччыта, Саха сиринээҕи студеннар спортивнай союзтарын бэрэссэдээтэлэ Александр Черкашин иһитиннэрдэ. Махтал!

Аны фестивальга тустууктарбытыттан мэтээл кэтэһэбит.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

141154
Бүгүн : 262