Сонуннар

Үс бөҕөспүт финалга таҕыста

Екатеринбург. Студеннар спортарын норуоттарын икки ардыларынааҕы фестивалын эр дьоҥҥо көҥүл тустууга күрэхтэһиитин бастакы күнэ түмүктэннэ. Бастакы миэстэни былдьаһааччылар кимнээх буолаллара билиннэ.

Аны сарсын, атырдьах ыйын 26 күнүгэр күрэхтэһии балаһыанньатын быһыытынан бастаан «уоскутар» бөлөх тустуулара, онтон үһүс уонна бастакы миэстэ иһин хапсыһыылар ыытыллыахтара.

Саха бөҕөстөрүттэн Алексей Копылов, Александр Авелов уонна Никита Хабаров ситиһиилээхтик тустан финалга таҕыстылар. Ньургун Терентьев, Никита Софронов, Максим Толмачев үһүс миэстэ иһин тустуохтара. Онтон Любомир Ашеин, Александр Иванов, Станислав Свинобоев «уоскутар» бөлөххө киирсиэхтэрэ.

Уолаттарбытыгар ситиһиилээх тустууну баҕарабыт!

Финалистар:

57 кг: Алексей Копылов (Россия) — Доктурбек Юхан Уулу (Кыргызстан)

61 кг: Александр Авелов (Россия) — Бекболот Мырзаназар Уулу (Кыргызстан)

65 кг: Кежик Монгуш (Россия) — Даниил Боднар (Россия)

70 кг: Сармат Бестаев (Россия) — Чаян Монгуш (Россия)

74 кг: Магомет Карданов (Россия) — Рамис Хасанов (Азербайджан)

79 кг: Халид Яхиев (Россия) — Амир Реза Тахерхани (Иран)

86 кг: Абдула Цацаев (Россия) — Хамун Махмуджанлу (Иран)

92 кг: Берд Кусов (Россия) — Алихан Кцоев (Россия)

97 кг: Карденас Йосенький Кастанеда (Куба) — Ирбег Тавгазов (Россия)

125 кг: Никита Хабаров (Россия) — Салар Хабиби (Иран).

«Дьулурҕан».

Добавить комментарий

Ваш адрес email не будет опубликован. Обязательные поля помечены *

141155
Бүгүн : 263