Сонуннар

Павел Пинигин турнира: Көбүөргэ 18-гар диэри саастаахтар

Олимпийскай чемпион Павел Пинигин аатынан «Саха сирин тимир суоллара» тэрилтэ бирииһигэр көҥүл тустууга уолаттарга Бүтүн Россиятааҕы аһаҕас турнир түмүктэммитин кэнниттэн тута, 2006/2008 сс. төрөөбүт уолаттарга бу сырыыга норуоттар икки ардыларынааҕы түһүлгэ саҕаланар.

Көбүөргэ Казахстан, Кыргызстан, Таджикистан, Монголия, Беларусь судаарыстыбаларыттан, Россия регионнарыттан бөҕөстөр тахсыахтара. Кинилэр барыта 12 ыйааһыҥҥа күөн көрсүөхтэрэ: 38, 42, 45, 48, 51, 55, 60, 65, 71, 80, 92, 110 кг.

Түһүлгэни Россия сүүмэрдэммит хамаандатын бөҕөстөрө (А.Агашеринов, З.Чаниев, А.Мусахаджиев, М.Алибахарчиев, М.Идрисов, А.Абдулкадиров, Р.Малахмедов) киэргэтиэхтэрэ. Биһигиттэн, быйыл саас Нарофоминскайга ыытыллыбыт 17-гэр диэри саастаахтарга дойду күрэхтэһиитин 48 киилэҕэ призёра Михаил Осипов тустуоҕа. Кини бу сырыыга бэйэтин күүһүн 51 кг ыйааһыҥҥа холонуоҕа. Өссө былырыыҥҥы “Азия оҕолоро” норуоттар икки ардыларынааҕы спортивнай оонньуулар призердара Эрхан Куличкин (45 кг), Роман Кириллин (55 кг) кыттыахтара.

Түһүлгэ бырагыраамата

От ыйын 5 күнэ, сэрэдэ

11:00-18:00 Барыллааһын күрэхтэһии. Финал аҥарынааҕы уонна үһүс миэстэ иһин хапсыһыылар

От ыйын 6 күнэ, чэппиэр

11:00-18:00 «Уоскутар» бөлөх тустуулара, финаллар. Кыайыылаахтары наҕараадалааһын.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

199545
Бүгүн : 461