Сонуннар

Павел Пинигин турнира: Бүгүн – финаллар

Олимпийскай чемпион Павел Пинигин аатынан “Саха сирин тимир суоллара” тэрилтэ бирииһигэр көҥүл тустууга турнир түмүктүүр түһүмэххэ таҕыста. Эрдэ иһитиннэрбиппит курдук, түһүлгэ саастарынан араарыллыбыт икки бөлөҕүнэн ыытыллынна.

Ол курдук, 16-гар диэри саастаахтарга Бүтүн Россиятааҕы аһаҕас турнир буолла, оттон 18-гар диэри саастаахтар күрэхтэһиилэрэ – норуоттар икки ардыларынааҕы турнир диэн ыытылынна. Көбүөргэ барыта 900-чэкэ эдэр бөҕөс таҕыста.

Турнирга Россия 18-гар диэри саастаахтарга сүүмэрдэммит хамаандатыттан хас да уол кыттар. Кинилэртэн быйыл саас Нарофоминскайга ыытыллыбыт Россия күрэхтэһиитин кыайыылаахтара Агашерин Агашеринов, Ахмад Мусахаджиев, Магомед Алибахарчиев, Магомед Идрисов, Алимурза Абдулкадиров, Рахман Малахмедов сэрэйиллибитин курдук финалга таҕыстылар.

Россия уолаттарга сүүмэрдэммит хамаандатын старшай тренерэ Ислам Калаев эппитинэн, кинилэр атырдьах ыйыгар Турцияҕа тэриллэр уолаттарга аан дойду күрэхтэһиитигэр кыттарга бэлэмнэнэллэр. Калаев интервьютун “Дьулурҕан” сайт Интервью диэн рубрикатыгар ааҕыаххытын сөп.

Онон от ыйын 6 күнүгэр, чэппиэргэ 18-гар диэри саастаахтарга ким бастыыра быһаарыллыа.

Финалга көрсүөхтэрэ:

38 кг: Аюш Кужугет (Тыва) – Аюр Минжурдоржин (Забайкальскай кыраай)

42 кг: Александр Жданов – Сайдам Федоров (иккиэн – Саха сирэ)

45 кг: Арылхан Контогоров – Уйусхан Халгаев (иккиэн – Саха сирэ)

48 кг: Агашерин Агашеринов (Москва) – Денис Игнатьев (Саха сирэ)

51 кг: Эртине Иргит (Тыва) – Алексей Фокинов (Саха сирэ)

55 кг: Ахмед Мусахаджиев (Дагестан) – Шамиль Чаниев (Ингушетия)

60 кг: Александр Макаров – Максим Григорьев (иккиэн – Саха сирэ)

65 кг: Сергей Некрасов (Саха сирэ) – Жамбал Намсараев (Забайкальскай кыраай)

71 кг: Магомед Алибахарчиев (Дагестан) – Ислам Кажаров (Крым)

80 кг: Магомед Идрисов (Дагестан) – Тумэн Дондоков (Бурятия)

92 кг: Алимурза Абдулкадиров (Дагестан) – Никита Шатохин (Приморскай кыраай).

Оттон ыарахан ыйааһыҥҥа (110 кг) тустуу эргиир систиэмэтинэн ыытылынна. Онуоха дагестанец Рахман Малахмедов көрсүбүт утарсааччыларын барыларын кыайталаата.

PS: Биирдиилээн хапсыһыылар видеоларын Дьулурҕан ютуб каналыгар көрүөххүтүн сөп.

Тустуу бүтэһик күнэ, бырагыраама быһыытынан күнүс 11:00 чаастан саҕаланар. Бастаан “уоскутар” бөлөх киирсиилэрэ буолуохтара, онтон тута – кыайыылаахтары быһаарар хапсыһыылар, наҕараадалааһын ыытыллыа.

“Дьулурҕан”.    

Добавить комментарий

Ваш адрес email не будет опубликован. Обязательные поля помечены *

141116
Бүгүн : 224