Сонуннар

“Туймаада ыһыаҕын” күрэхтэһиилэрэ…

“Туймаада ыһыаҕын” кэмигэр сылын аайы буоларын курдук, Үс Хатыҥҥа “Өбүгэлэр оонньуулара” диэн күрэхтэһии тэриллэр. Ол курдук, сахалыы төрүт оҕунан ытыыга, хапсаҕайга, сахалыы ыстаныыларга уонна мас тардыһыытыгар күрэхтэһиилэр буолуохтара.

Оҕунан ытыы 45-гэр диэри уонна 45-тэн үөһээ саастаахтарга эр дьоҥҥо уонна дьахталларга туспа бөлөҕүнэн ыытыллар.

Ол курдук, хапсаҕайга 75-кэ диэри уонна 75-тэн үөһэ кг ыйааһыннарга эр дьоҥҥо уонна бэтэрээннэргэ туспа бөлөхтөрүнэн киирсиэхтэрэ.

Сахалыы ыстаныыларга (кылыы, ыстаҥа, куобах) эр дьон кытталлар.

Мас тардыһыы эмиэ 75-кэ диэри уонна 75-тэн үөһэ кг ыйааһыннарга эр дьоҥҥо уонна бэтэрээннэргэ туспа бөлөҕүнэн ыытыллар.

Күрэхтэһиилэр бары тэҥинэн күнүс 11:00 чаастан “Бөҕөстөр түһүлгэлэрэ” диэн спортивнай площадкаҕа саҕаланаллар. Күрэхтэһиилэргэ медицинскэй көрүүнү барбыт, быраастан ыспыраапкалаах спортсменнар кытталлар.

Дьэ, онон кыраҕы харахтаахтар, быыппастар быччыҥнаахтар, кус быһыйдар Сахабыт сиригэр самаан сайыммыт кэлбитин уруйдуу Туймаада ыһыаҕар тэриллэр күрэхтэһиигэ эрдэттэн бэлэмнэнэн кэлэн – көхтөөхтук кыттан, бэйэҕит кыаххытын, күүскүтүн бар дьоҥҥутугар көрдөрөргүтүгэр, түһүлгэ күүрээнин үрдэтэргитигэр баҕарабыт. Бу көрүҥнэргэ кыайыылаахтар уонна иккис-үһүс миэстэлэммиттэр бары бириистэринэн наҕараадаланыахтара.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *

161081
Бүгүн : 135