Сонуннар

Павел Пинигин уолаттары көбүөргэ ыҥырар

От ыйын 1-6 күннэригэр «Өрөгөй» Спорка бэлэмнэнии киинигэр олимпийскай чемпион Павел Пинигин аатынан «Саха сирин тимир суоллара» тэрилтэ бирииһигэр көҥүл тустууга үгэскэ кубулуйбут күрэхтэһии ыытыллар.

Быйылгы күрэхтэһии уратылаах. Ол курдук, түһүлгэ икки бөлөҕүнэн араарыллар: бастакыта – 16-гар диэри саастаахтарга Бүтүн Россиятааҕы турнир, иккиһэ – 18-гар диэри саастаахтарга норуоттар икки ардыларынааҕы турнир. Күрэхтэһиигэ тас дойдуттан – Беларусьтан, Казахстантан, Кыргызстантан, Таджикистантан, Монголияттан эдэр бөҕөстөр күрэс былдьаһыахтара. Ону тэҥэ Россия 9 регионуттан спортсменнар кыттыахтара. Көбүөргэ барыта 700-чэкэ бөҕөс тахсара күүтүллэр.

16-гар диэри саастаахтар күрэхтэһиилэрэ уруккулуу, иккилии хотторуу кэнниттэн туорааһыннаах ыытыллар. Ыйааһыннара – 24, 26, 28, 30, 32, 35, 38, 41, 44, 48, 52, 57, 62, 68, 75, 85, 100 кг.

Оттон 18-гар диэри саастаахтар киирсиилэрэ Тустуу аан дойдутааҕы холбоһугун (UWW) быраабылатынан барыаҕа. Ыйааһыннара – 38, 42, 45, 48, 51, 55, 60, 65, 71, 80, 92, 110 кг.

Күрэхтэһии бочуоттаах ыалдьыттарынан көҥүл тустууга аан дойду чемпионатын икки төгүллээх призера Буяндергел Болд (Монголия), спорт маастара Радислав Намажап (Тыва) уо.д.а. буолуохтара.

16 саастаахтарга турнир программата

От ыйын 1 күнэ, субуота

17:00-18:00 Бары ыйааһыннарга сэрэбиэй.

От ыйын 2 күнэ, өрөбүл

10:00-12:00 Барыллааһын хапсыһыылар.

12:00-13:00 Күрэхтэһиини үөрүүлээхтик аһыы.

13:00-18.00 Тустуу салгыыта.

От ыйын 3 күнэ, бэнидиэнньик

10:00-18:00 Күрэхтэһии салгыыта.

От ыйын 4 күнэ, оптуорунньук

18:00-20:00 Бастыҥнары быһаарар хапсыһыылар. Кыайыылаахтары наҕараадалаһын.

18 саастаахтарга турнир программата

От ыйын 4 күнэ, оптуорунньук

17:00-18:00 Бары ыйааһыннарга сэрэбиэй.

От ыйын 5 күнэ, сэрэдэ

11:00-18:00 Барыллааһын хапсыһыылар.

От ыйын 6 күнэ, чэппиэр

11:00-18:00 Күрэхтэһии салгыыта. Финаллар. Кыайыылаахтары наҕараадалааһын.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

161042
Бүгүн : 96