Сонуннар

Аҕам саастаах бөҕөстөрбүт ситиһиилэрэ

Смоленскай куоракка аҕам саастаах тустууктар Россия үрдүнэн бастыыр иһин аһаҕас чемпионаттара икки күн устата ыытыллан түмүктэннэ.

Бу чемпионакка Саха сирин хамаандата эриэ-дэхси көрдөрүүлэннэ. Көбүөр маастардара барыта уон мэтээллэннилэр. Ол курдук, Терентий Халгаев, Анатолий Олесов, Максим Шкулев, Александр Румин бэйэлэрин саастарынан бөлөхтөрүгэр кыайыылаахтарынан буолан, кыһыл көмүс мэтээллэринэн наҕараадаланнылар.

Оттон Вадим Данилов, Иннокентий Данилов, Андрей Каженкин иккис, Николай Баттахов, Ефрем Ефремов, Валентин Хомутовскай үһүс бириистээх миэстэлэргэ таҕыстылар.

Кырдьары билиммэт аҕам саастаах бөҕөстөрбүтүн бу ситиһиилэринэн эҕэрдэлиибит! Атыттарга кинилэр үтүө холобур буолалларыгар баҕарабыт!

PS: Бөҕөстөрбүт тустууларын “Дьулурҕан” хаһыат сайтыгар Видео рубрикаҕа уонна “Дьулурҕан” ютуб каналыгар көрүөххүтүн сөп.

“Дьулурҕан”.  

Добавить комментарий

Ваш адрес email не будет опубликован. Обязательные поля помечены *

176534
Бүгүн : 100