Сонуннар

Цубои – Дусматов. Хайалара кыайыай?

Ташкент куоракка боксаҕа аан дойду чемпионата өссө муус устар 30 күнүттэн үгэннээн ыытылла турар. Бу чемпионакка Саха сирин спорду таптааччылара ордук 51 киилэ кыттааччыларын хара бастакыттан кыраҕытык кэтээн көрөллөр.

Тоҕо диэтэххэ, бу ыйааһыҥҥа Россия хамаандатын аатыттан биһиги Василий Егоровпыт кытынна. Кини маҥнай турок Самет Гюмюһу кыайан баран, аан дойду чемпиона дьоппуон Томоя Цубоига хотторон кэбиспитэ.

51 кг финал 8/1 киирсиилэр ыам ыйын 9 күнүгэр буоллулар:

А бөлөх:

Дипак Бхория (Индия) – Жанг Жимао (Китай) 5:0.

Нуржигит Диушебаев (Кыргызстан) – Мохаммед Мозиане (Алжир) 5:0.

Ту По Уэй (Тайбэй) – Давит Бакеле Вибшет (Эфиопия) 5:0.

Титисан Панмод (Таиланд) – Билал Беннама (Франция) 1:4.

Б бөлөх:

Томоя Цубои (Япония) – Давид Каранжа (Кения) 5:0.

Эрислан Ромеро (Куба) – Хасанбой Дусматов (Узбекистан) 0:5.

Масуд Юсифзада (Азербайджан) – Патрик Чиньемба (Замбия) 0:5.

Хархуугиин Энхамандах (Монголия) – Мартин Молина (Испания) 0:5.

Бу түһүмэххэ сүрүннээн ыллахха, улахан ааттаах-суоллаах боксёрдар кыайдылар. Арай, азербайджанец Масуд Юсифзаде хотторуута соһуччу буолуон сөп. Боксаны сөбүлээччилэр Ромеро – Дусматов киирсиилэрэ тыҥааһыннаах, сытыы буолуо диэн кэтэспит буолуохтаахтар гынан баран, рингэ хаһаайына этэргэ дылы, көрөөччүлэр кыайыыга угуйууларыгар доҕуһуоллатан, сүрдээҕин аһыллан, табыллан киирсэн, эрэллээх кыайыыны ситистэ.

Манна даҕатан эттэххэ, бу киирсиини уонна Цубои кыайыытын Телеграмҥа Дьулурҕан каналыгар булан көрүөххүтүн сөп.

Дьэ, онон финал чиэппэригэр көрсүөхтэрэ:

Дипак Бхория (Индия) – Нуржигит Диушебаев (Кыргызстан)

Ту По Уэй (Тайбэй) – Билал Беннама (Франция).

Томоя Цубои (Япония) – Хасанбой Дусматов (Узбекистан)

Патрик Чиньемба (Замбия) – Мартин Молина (Испания).

Эһиги санааҕытыгар кимнээх кыайыахтарай? Финал чиэппэригэр киирсиилэр бүгүн, ыам ыйын 10 күнүгэр, күн бастакы аҥарыгар буолуохтара. Бу пааралар кыайыылаахтара – мэтээлгэ тиксэллэр. Ол, чуолаан ханнык өҥнөөх мэтээл буоларын, хаалбыт бүтэһик киирсиилэр быһаарыахтара.

Чемпионат хаамыытын «күөх экраҥҥа» МатчБоец каналга көрүөххүтүн сөп.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

201722
Бүгүн : 5