Сонуннар

Бэтэрээн бөҕөстөр бэлэмнэниҥ!

Ыам ыйын 19-20 күннэригэр ССРС спордун маастара, Саха АССР үтүөлээх тренерэ, ХИФУ профессора Николай Кириллович Алексеев – Матбор кэриэһигэр көҥүл тустууга аҕам саастаах тустууктар республикатааҕы аһаҕас чемпионаттара ыытыллар.

Чемпионат, В.П. Керемясов аатынан Дьокуускай куорат 3 №-дээх спортивнай оскуолатын тустууга саалатыгар буолуоҕа.

Күрэхтэһии биирдиилээн бастыыр иһин Тустуу аан дойдутааҕы холбоһугун (UWW) быраабылатынан бигэргэммит ыйааһыннарга ыытыллар: 62, 70, 78, 88, 100 уонна 130 кг.

Быраабылаҕа олоҕуран күрэхтэһиигэ 35-тэн үөһэ саастаахтар кытталлар.

А дивизион: 35-40 саастаахтар

В дивизион: 41-45 саастаахтар

С дивизион: 46-50 саастаахтар

Д дивизион: 51-55 саастаахтар

Е дивизион: 56-60 саастаахтар

Ф дивизион: 61-65 саастаахтар

Г дивизион: 66-70 саастаахтар.

Ыйааһын ахсын бастаабыттар уонна иккис-үһүс буолбуттар мэтээллэринэн, дипломнарынан наҕараадаланаллар. Манна даҕатан эттэххэ, бу күрэхтэһии – Россия бэтэрээннэргэ чемпионатын иннинэ сүүмэрдээһин, бэйэ бэлэмин тургутан көрүү быһыытынан буолуоҕа.

Чемпионат кэмигэр бэтэрээн-маастардарга ситиһиилээхтик тустубуттарга – Россия спордун бэтэрээннэргэ маастардара уонна норуоттар икки ардыларынааҕы кылаастаах маастардара анал бэлиэлэр туттарыллыахтара.

Чемпионат программата:

Ыам ыйын 19 күнэ, бээтинсэ

10:00-16:30 Мандатнай хамыыһыйа үлэтэ, кыттааччылар ыйааһыннаныылара, сэрэбиэй.

17:00-17:30 Судьуйалар, тренердэр уонна хамаанда бэрэстэбиитэллэрин сүбэ мунньаҕа.

Ыам ыйын 20 күнэ, субуота

10600-12:00 Бары ыйааһыннарга барыллааһын хапсыһыылар.

12:00-12:30 Чемпионаты үөрүүлээхтик аһыы.

12:30-14:00 Тохтобул.

14:30-18:00 Күрэхтэһии салгыыта. Быһаарыылаах хапсыһыылар. Кыайыылаахтары наҕараадалааһын.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

176534
Бүгүн : 100