Уһуйаан иитиллээччилэрэ теннистээтилэр

«Хас биир оҕо ситиһиилээх буолуута» федеральнай уонна «Образование», «Спорт-норма жизни», «Демография» национальнай бырайыактарга олоҕуран, 2027 сылга Ньурбаҕа ыытыллыахтаах XXIII Саха сирин норуоттарын сайыҥҥы спартакиадаларын көрсө остуол тенниһигэр II төгүлүн уһуйаан иитиллээччилэригэр күрэхтэһии ыытылынна.

Тэрийээччилэр: Ньурбатааҕы Үөрэҕирии управлениета (сал. Ф.Ф. Ушканов), «Лесная сказка» оҕо уһуйаана (сал. Л.Н. Михайлова), Ньурбатааҕы оҕо успуордун оскуолата (сал. А.В. Иннокентьев), улуустааҕы остуол тенниһин федерацията (сал. С.Б. Дондокова).

Бу күрэхтэһиини иилээн саҕалаан тэрийсибит дьонтон биирдэстэрэ «Лесная сказка» уһуйаан физкультураҕа инструктора Нь.И. Михайлова улууска успуорт сайдыытыгар үтүөтэ өҥөтө умнуллубат.

Көхтөөх, үрдүк таһымнаах тэрээһиҥҥэ, остуол тенниһинэн дьарыктанар кырачааннарга Ньурба улууһун, өрөспүүбүлүкэни элбэхтэ ааттаппыт теннискэ сүүмэрдэммит хамаанда чилиэннэрэ А.С. Кириллина, А.А. Ефимова, К.А. Владимиров маастар-кылаастары ыыттылар.

Англияттан силис тардар, аан дойду үрдүнэн тарҕаммыт, олимпийскай успуорт көрүҥэр киирсэр остуол тенниһэ биһиги улууспутугар сайда туруохтун.

Сайыына Саввинова.

Ньурба.