Финалга кимнээх таҕыстылар?

Мэҥэ Хаҥалас. Аллараа Бэстээххэ Т.А. Пинегин аатынан спортивнай комплекска 24-гэр диэри саастаах тустууктар Дальнай Восток федеральнай уокуругар бастыыр иһин күрэхтэһиилэрин бастакы күнэ түмүктэннэ.

Күрэхтэһиигэ Бурятия Республикатыттан, Еврейскэй автономнай уобаластан, Хабаровскай кыраайтан уонна Саха сириттэн барыта 80 бөҕөс күөн көрүстэ.

Хатыһыылаах хапсыһыылар кэннилэриттэн бастакы алта ыйааһыҥҥа финалга кимнээх киирсэллэрэ быһаарылынна.

57 кг Любомир Ашеин – Харысхал Григорьев (иккиэн – Саха сирэ)

61 кг Манчаары Ильинов – Александр Авелов (иккиэн – Саха сирэ)

65 кг Борис Баршуев (Бурятия) – Петр Парников (Саха сирэ)

70 кг Олег Фомин (Саха сирэ) – Игорь Упхоев (Бурятия)

74 кг Станислав Свинобоев – Албан Аввакумов (иккиэн – Саха сирэ)

79 кг Василий Кириллин – Андриан Ленскэй (иккиэн – Саха сирэ)

86 кг Максим Судаков – Буянто Шадапов (иккиэн – Бурятия).

Атын ыйааһыннарга (92, 97, 125 кг) кыттааччылар аҕыйах буолан, тустуу эргиир систиэмэтинэн ыытылынна. Кинилэргэ аны биирдии тустуу хаалла.

Муус устар 2 күнүгэр – өрөбүлгэ күрэхтэһии күнүс 11:00 чаастан саҕаланар. Бастаан «уоскутар» бөлөх тустуулара буолуохтара. Онтон тута, бары ыйааһыннарга быһаарыылаах хапсыһыылар, кыайыылаахтары наҕараадалааһын ыытыллыаҕа.

Петр Павлов.

Ааптар хаартыскаҕа түһэриилэрэ.