Сонуннар

Бүгүҥҥүттэн аны Европа чемпионата

Бэҕэһээ эрэ Россия эдэрдэргэ тустуута түмүктэнэн, ол туһунан кэпсээн, санаа атастаһыытын дуораана ситэ сүтэ илигинэ аны Загребка (Хорватия) көҥүл тустууга Европа чемпионата саҕаланар.  

Чемпионакка, саха тустууга кыһатын икки иитиллээччитэ: Владимир Егоров Хотугу Македонияттан уонна Николай Охлопков Румынияттан кытталлар. Уолаттарбыт иккиэн – 61 кг ыйааһыҥҥа тусталлар.

Сэрэбиэй кэнниттэн көрдөххө, бу ыйааһыҥҥа барыта 14 бөҕөс баар. Егоровтаах Охлопков иккиэн биир бөлөххө түбэспиттэр. Владимир Егоров бастаан А.Элояны (Франция), Николай Охлопков – И.Тисовы (Болгария) кытта тусталлар. Онно кыайдахтарына, финал чиэппэригэр бэйэ-бэйэлэрин кытта киирсиэхтэрэ.

Сеткаттан көрдөххө, уолаттарбыт бөлөхтөрүгэр опыттаах бөҕөс – Европа икки төгүллээх чемпиона Арсен Арутюнян (Армения) баар. Ким финалга тахсарын кинини кытта киирсии быһаарара буолуо.

Оттон аллараа бөлөххө көрөргүт курдук, аан дойду былырыыҥҥы 57 киилэҕэ чемпиона Зелимхан Абакаров (Албания) чорбойор. Уопсайынан, састаап син күүстээх диэххэ сөп. Уолаттарбытыгар ситиһиилээх тустууну баҕарабыт!

Программа быһыытынан бүгүн – 57, 65, 70, 79, 97 кг ыйааһыннаахтар күрэхтэһиини саҕалыыллар. Оттон 61, 74, 86, 92, 125 киилэлээхтэр тустуулара – сарсыҥҥыттан.

Көҥүл тустууга Европа чемпионатын хапсыһыылара бүгүн Дьокуускай бириэмэтинэн 18:30 саҕаланар.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

176513
Бүгүн : 79