Сонуннар

“Аҕа күрэҕэр” бастакы күн түмүктэрэ

Таатта улууһун Туора-Күөлүгэр ыытылла турар республикатааҕы “Аҕа күрэҕин” бастакы күнэ бэрт тыҥааһыннаахтык ааста.

Ол курдук, ойбон алларыытыгар Чурапчыттан Яков, Михаил Кривошапкиннар – бастакы, Амматтан Николай, Аркадий Федоровтар – иккис, үһүс миэстэҕэ – Мэҥэ Хаҥаластан Вячеслав, Ярослав Окороковтар буоллулар.

Иккис көрүҥҥэ, кыттааччылар мас хайытан, уот оттон, толору биэдэрэлээх уулара түргэнник оргуйуохтаах этэ. Манна бастакынан Бүлүүттэн Дмитрий, Дьулусхан Ивановтар, иккиһинэн – Чурапчыттан Яков, Михаил Кривошапкиннар, үһүс – Амматтан Николай, Аркадий Федоровтар кылгас бириэмэ иһигэр сорудаҕы толордулар.

Үһүс көрүҥ, 30 см халыҥнаах бэрэбинэни илии эрбиитинэн эрбээн чууккалааһын. Бу түһүмэххэ, Хаҥаластан Алексей, Григорий Осиповтар – бастакы, Тааттаттан Юрий, Владимир Осиповтар – иккис, Амматтан – Николай, Аркадий Федоровтар үһүс миэстэҕэ таҕыстылар.

Төрдүс көрүҥ – бэрэбинэни суоруу. Манна көрүҥҥэ аҕа суорар, уол суоруллубут маһы анал тэрилинэн иҥнигэһэ суох ааһарын кээмэйдээн иһэр. Түмүккэ, Амма Федоровтара бастакынан, Уус  Алдантан Иннокентий, Кирилл Габышевтар иккиһинэн, Дьокуускайтан Александр, Арсений Винокуровтар үсүһүнэн бүттүлэр.

Күрэхтэһии иккис күнүгэр кыттааччылар өссө үс көрүҥҥэ күөн көрсүөхтэрэ. Ким бэлэмнээх – ол кыайдын!

Екатерина БЯСТИНОВА.

Ааптар хаартыскаҕа түһэриитэ.

Добавить комментарий

Ваш адрес email не будет опубликован. Обязательные поля помечены *

176515
Бүгүн : 81