Сонуннар

Хоро көбүөрүгэр

Кулун тутар 11 күнүгэр Өлүөхүмэ улууһун Хоро нэһилиэгэр “Учууталлар учууталлара” Сергей Егорович Голомарёв бирииһигэр көҥүл тустууга 2012-2015, 2008-2011 сс. төрүөх уолаттарга аһаҕас республиканскай күрэхтэһии буолан ааста.

Бу, быйыл сыл саҥата үлэҕэ киирбит сабыс саҥа культура уонна спорт киинигэр буолбут, күрэхтэһиигэ, көбүөргэ аҕыс уонча эдэр бөҕөс күөн көрсөн, ким күүстээҕин, ким кыайыыга дьулуурдааҕын быһаарыстылар.

Күрэхтэһии үөрүүлээх аһыллыытыгар ытыктыыр, өр сылларга Хоро оскуолатыгар үрдүк таһаарыылаахтык  физкультура учууталынан үлэлээбит Сергей Егорович тапталлаах кэргэнэ Лидия Михайловна, эдэр тустууктарга дьулууру, тулууру, кыайыыны-хотууну, сайда-үүнэ турууну баҕаран бэйэин санаатын тиэртэ.

Сергей Егорович кэнчээри ыччаттарбытын өй-санаа, эт-хаан өттүнэн сайыннаран, элбэх үөрэнээччитэ кинини утумнаан, спорт араас көрүҥнэригэр ситиһиилээхтик үлэлии-хамсыы сылдьаллар.

Күрэхтэһиигэ Дьокуускай куорат бэһис нүөмэрдээх оҕо спортивнай оскуолатын  (салайааччы Андрей Афанасьевич Филиппов), Мэҥэ Хаҥалас оҕо спортивнай оскуолатын (салайааччы Константин Егорович Колесов), Хаҥалас Булгунньахтааҕын (салайааччы Аркадий Михайлович Сивцев) иитиллээччилэрэ көбүөргэ сытыы хапсыһыылары көрдөрөн, күрэхтэһиини киэргэтэттилэр, толору мустубут көрөөччүлэр биһирэбиллэрин ыллылар.

Турнир сүрүн анал бириистэрин Сергей Егорович дьоһун дьиэ-кэргэнэ, төрөппүт оҕолоро, сиэннэрэ, аймахтара туруордулар. Сергей Егорович дьиэ-кэргэнин уонна чугас аймахтарын ааттарыттан, күтүөттэрэ Владимир Павлович Кылыяров анал бириистэри туттартаата.

Ол курдук, Мэҥэ Хаҥалас оҕо спортивнай оскуолатыгар үөрэнэр, Хороттон төрүттээх Ярослав Баньков “Бастыҥ тустуук” диэн матасыыкыл бирииһи, “Кэскиллээх тустуук” диэн Айфон-11 бирииһи Хороттон Дима Иванов, «Кыайыыга дьулуурун иһин” диэн улахан плазма тэлэбиисэр бирииһи Өлүөхүмэ куораттан Айаан Попов, “Бастыҥ быраҕыы” диэн KARCHER массыына сууйар бирииһи Хаҥаластан Дьулуур Жирков тутаннар үөрдүлэр-көттүлэр.

Ол кэннэ ыйааһыннарга бастаабыттарга, олохтоохтор туруорбут анал бириистэрэ Хатсан пневматическай саа оонньонно. 15 бастыҥтан сэрэбиэй 28 киилэҕэ тэҥнээҕин булбатах Иванов Валераҕа тосхойон, үөрүү үтүмэнин бэлэхтээтэ.

Олохтоохтор, тустууну таптааччылар сөбүлүү көрбүт бөҕөстөрүгэр бэйэлэрин анал бириистэрин, бэлэхтэрин туттардылар.

Көбүөргэ ыһыылаах-хаһыылаах, сытыы хапсыһыылар кыайыылаахтарынан буоллулар:

24 кг: 1. Иванов Дима (Хоро), 2. Титов Толя, 3. Иванов Эльдар (иккиэн – Өлүөхүмэ к.), Ларионов Будимир (Кыллаах).

26 кг: 1. Сергеев Диас (Дьокуускай к., ДЮСШ №5), 2. Попов Айаан (Өлүөхүмэ к.), 3. Томский Ариан (Хоро), Копылов Слава (Өлүөхүмэ к.).

28 кг: 1. Иванов Валера, 2. Кондаков Ларион (иккиэн – Хоро), 3. Петров Айаан (Хаҥалас), Меняков Ариан (Хоро).

30 кг: 1. Махно Кирилл (Өлүөхүмэ к.), 2. Беляев Давид, 3. Антонов Айаал (иккиэн – Дьокуускай к., ДЮСШ №5), Еникеев Марат (Өлүөхүмэ к.).

32 кг: 1. Чудинов Федя (Дьокуускай к., ДЮСШ №5), 2. Пшенников Виталий (Өлүөхүмэ к.), 3. Шкулёв Айастаан (Хаҥалас).

35 кг: 1. Попов Вова (Хоро), 2. Алексеев Ньургун (Хаҥалас).

45 кг: 1. Моисеев Артём (Хаҥалас), 2. Ощепков Арсений (Өлүөхүмэ к.), 3. Согдоев Арсен (Хоро), Корнилов Эрхан (Кыллаах).

Онтон 2008-2011 сс. төрөөбүттэргэ:

32 кг: 1. Баньков Ярослав (Мэҥэ Хаҥалас), 2. Голомарёв Проня (Хоро), 3. Мусаев Муса (Өлүөхүмэ к.), Лаптев Вениамин (Мэҥэ Хаҥалас).

35 кг: 1. Петров Витя (Мэҥэ Хаҥалас), 2. Дьяков Никита, 3. Щедривый Андрей, Бурлев Петя (иккиэн – Өлүөхүмэ к.).

38 кг: 1. Устинов Георгий, 2. Иванов Ярослав (иккиэн – Мэҥэ Хаҥалас), 3. Жирков Дьулуур (Хаҥалас), Филатов Ариан (Өлүөхүмэ к.).

42 кг: 1. Скрябин Вова, 2. Кондаков Вова, 3. Федоров Одун (үһүөн – Мэҥэ Хаҥалас), Нестерев Никита (Өлүөхүмэ к.).

48 кг: 1. Пинигин Владислав, 2. Попов Харысхал (иккиэн – Мэҥэ Хаҥалас), 3. Иванов Женя, Меняков Лёня (иккиэн – Хоро).

54 кг: 1. Жирков Эрэл (Мэҥэ Хаҥалас), 2. Хохолов Данил (Өлүөхүмэ к.), 3. Петров Ярослав (Мэҥэ Хаҥалас), Романов Федя (Өлүөхүмэ к.).

62 кг: 1. Николаев Андрей (Мэҥэ Хаҥалас), 2. Данилов Дима (Хоро), 3. Габышев Денис (Токко), Павлов Игнат (Хоро).

62-тэн үөһэ кг: 1. Дмитриев Аскалон (Мэҥэ Хаҥалас), 2. Михайлов Кирилл (Токко), 3. Егоров Андрей, Михайленко Сергей (иккиэн – Өлүөхүмэ к.).

Бу күрэхтэһии эдэр, үүнэн иһэр оҕолорбутугар инникитин өссө күүскэ дьаныһан дьарыктаналларыгар, салгыы сайдалларыгар төһүү тирэх буолуо диэн бигэ эрэнэбит.

Күрэхтэһиини тэрийээччилэр ааттарыттан, Сергей Егорович дьиэ-кэргэнигэр, аймахтарыгар, нэһилиэк олохтоохторугар уонна араас сылларга үөрэммит махталлаах үөрэнээччилэригэр барҕа махталбытын тиэрдэбит.

Хоро нэһилиэгин дьаһалтатын пресс отдела.

Один комментарий к “Хоро көбүөрүгэр

Добавить комментарий

Ваш адрес email не будет опубликован. Обязательные поля помечены *

160245
Бүгүн : 145