Сонуннар

Финалга көрсүөхтэрэ…

Дьокуускай. «Дохсун» спорт комплексыгар Саха АССР уонна РСФСР үтүөлээх тренерэ Арсен Петров кэриэһигэр Саха Республикатын 2023 сыллааҕы боксаҕа чемпионата хас эмэ күнү быһа ыытыллан, түмүктүүр түһүмэххэ таҕыста. Чемпион аатын иһин кимнээх киирсэллэрэ билиннэ.

Финалга көрсүөхтэрэ:

48 кг Рустам Дьяконов (Нам) – Рустам Туприн (Мирнэй)

51 кг Мухаммад Исмаилов (ЦСП-Мирнэй) – Ренат Захаров (ОЭУ-Дьокуускай)

54 кг Айаал Степанов (Уус Алдан) – Валентин Платонов (ОЭУ-Анаабыр)

57 кг Михаил Варламов (Панчер-Сунтаар) – Ян Алексеев (ОЭУ-Ньурба)

60 кг Валентин Иванов (ХИФУ-Чурапчы) – Виталий Стручков (ХИФУ-Уус Алдан)

63,5 кг Егор Янков (Мирнэй) – Айтал Дьяконов (ХИФУ-Мэҥэ Хаҥалас)

67 кг Арчын Пустоляков (ХИФУ-Сунтаар) – Александр Литовченко (Нерюнгри)

71 кг Никита Малгин (ХИФУ-Уус Алдан) – Ньургун Юмшанов (Хаҥалас)

75 кг Вахид Гадимов (Горнай) – Артур Голиков (ХИФУ-Дьокуускай)

80 кг Иннокентий Новгородов (ОЭУ-Чурапчы) – Игорь Никифоров (Өлөөн)

86 кг Петр Егоров (Мэҥэ Хаҥалас) – Владимир Колесов (Мэҥэ Хаҥалас)

92 кг Николай Поскачин (Бүлүү) – Борис Саввинов (Нам)

+92 кг Петр Константинов (Уус Алдан) – Никита Суханов (Нерюнгри).

Дьэ, ылан көрдөххө, ыйааһын аайы кэриэтэ сытыы киирсиилэр буолар буолбуттар. Атыттары намтаппакка туран эттэххэ, ордук 57, 60, 67 кг ыйааһыннар киирсиилэрэ тыҥааһыннаах буолаллара күүтүллэр. Спорду таптааччылар бары – билигин киин сиргэ боксанан идэтийэн туран дьарыктанар маастар Петр Егоров Саха сирин 12 төгүллээх чемпионунан буолуо дуо? Айтал Дьяконов былырыыҥҥытын курдук, чемпионат бастыҥ боксерунан ааттаныа дуо? Хамаанданан ордук кимнээх ситиһиилэниэхтэрэй? Маннык уонна манныкка маарынныыр атын да ыйытыылар бу кэмҥэ элбэх киһи санаатын үүйэ-хаайа тутар буолуохтаахтар.

Хамаанданан ылан көрдөххө, М.К. Аммосов аатынан Хотугулуу Илиҥҥи федеральнай университет алта боксёра финалга таҕыста. Ол эрээри, кинилэр бары иккис зачёт быһыытынан төрөөбүт улуустарыттан эмиэ кытталлар. Итинник, Р.М. Дмитриев аатынан Олимпийскай эрэл училищетыттан 4 боксёр чемпион аатын былдьаһыыга кыттар. Кинилэр эмиэ икки хамаанда аатыттан кытталлар, очколарын онно бэрсэллэр. Оттон атыттартан Уус Алдан 4, Мирнэй, Мэҥэ Хаҥалас 3-түү, Нерюнгри, Дьокуускай, Сунтаар уонна Чурапчы 2-лии финалистаахтар.

Онон барыллааһын ааҕынан, хамаанданан сүрүннээн ХИФУ, ОЭУ, Уус Алдан, Мирнэй, Мэҥэ Хаҥалас киирсэллэрэ буолуо. Ону барытын бүтэһик киирсиилэр быһаарыахтара.

«Дьулурҕан».   

Добавить комментарий

Ваш адрес email не будет опубликован. Обязательные поля помечены *

176520
Бүгүн : 86