Егор Иннокентьевич Черкашин турнира

Бу күннэргэ Дьокуускай куоракка Россия норуотун үөрэҕириитин туйгуна Егор Иннокентьевич Черкашин бэйэтэ иитэн-такайан таһаарбыт уонна үөрэппит оҕолорун бириистэригэр Республиканскай таһымнаах оскуола оҕолоругар 12-с төгүлүн көҥүл тустууга аһаҕас күрэхтэһиитэ олус тэрээһиннээхтик ыытыллан ааста.

Күрэхтэһии кулун тутар ый 13-15 чыыһылаларыгар В.П. Керемясов аатынан СДЮСШ-3 тустуу саалатыгар буолан ааста.

Бу күрэхтэһиигэ эрдэттэн оҥоһуллубут балаһыанньа быһыытынан 2010-2011 уонна 2012-2013 сылга төрөөбүт уол оҕолор уонна 2011-2013 сылга төрөөбүт кыргыттар тустууга кыттыыны ыллылар. Барыта 25 хамаанда кэлбититтэн, 409 оҕо көбүөргэ киирэн тустан, икки күннээх күөн көрсөн киирсиигэ ким бастыырын быһаарыста.

Ол курдук, барыта 18 ыйааһыҥҥа туһуннулар:

-уолаттар 2010-2011 с.т. – 28, 31, 36, 39, 42, 48, 61, 70-75 кг диэри;

-уолаттар 2012-2013 с.т – 22, 24, 26, 30, 38, 52, 55 кг;

-кыргыттар 2011-2013 с.т. – 29, 33, 35 кг.

Бу күрэхтэһиигэ кыргыттар тустуулара кырдьык даҕаны улахан сэҥээриини ылла. Инникитин даҕаны, бу маннык оҕолор күрэхтэһиилэригэр кыргыттары мэлдьи кытыннаран иһиэххэ баар эбит. Тоҕо диэтэххэ, киин куораттарга уонна улахан таһымнаах тустуу күрэхтэһиилэригэр билигин кыргыттар тусталлара аны булгуччулаах буолан турар.

Манна араас улуустартан кэлэн кытыннылар, Алдантан – 6, Амматтан – 14, Анаабыртан – 6, Үөһээ Бүлүүттэн – 11, Бүлүүттэн – 5, Горнайтан – 14, Кэбээйиттэн – 14, Мэҥэ Хаҥаластан – 37, Намтан – 31, Ньурбаттан – 15, Орто Халыматтан – 7, Сунтаартан – 6, Тааттаттан – 5, Уус Алдантан – 20, Хатастан – 5, Хаҥаластан – 12, Чурапчыттан – 38, Эбээн Бытантайтан – 8, Дьокуускайтан – 4, СДЮСШ-3 – 98, ДЮСШ-5 – 21, М.Е. Захаров оскуолататыттан – 4, Истибэт оҕолор анал оскуолатыттан – 2, СК Мырей – 9, СК Модун – 5 оҕо кэлэн икки күннээх тустуу күрэхтэһиитигэр кыттыыны ылла.

Көрөргүт курдук, киһи үөрэрэ диэн, ыраах сытар Хоту улуустар кэлэн кыттыбыттара, күрэхтэһиини өссө киэргэттэ уонна таһымын үрдэттэ.

Бастакы күн түмүктэрэ:

Бастакы күн 14 чыыһылаҕа барыта 223 оҕо кыттыыны ылла, 2012-2013 с.т. уолаттар уонна 2011-2013 с.т. кыргыттар туһуннулар.

22 кг, барыта 20 кыттааччы: 1. Сутаков Данил – Амма, 2. Николаев Петр – Хатас, 3. Дюрменов Сулейман – СДЮСШ-3, Мамажонов Хасантуй – М.Е. Захаров оскуолата.

23 кг, барыта 30 кыттааччы: 1. Громов Оскар – Хаҥалас, 2. Шепелев Александр – СДЮСШ-3, 3. Неустроев Афаар – Якутск, 3. Слепцов Ньургун – Ньурба.

26 кг, 33 кыттааччы: 1. Сергеев Диас – ДЮСШ-5, 2. Сергеев Эрчим – Анаабыр, 3. Баттахов Валентин – Ньурба, 3. Смирников Эрсан – Чурапчы.

30 кг, барыта 61 кыттаачы: 1. Антонов Антон – Анаабыр, 2. Карпов Марат – Амма, 3. Яковлев Ярослав – Таатта, 3. Маякунов Саян – СДЮСШ-

38 кг, барыта 40 кыттааччы: 1. Петров Вадим – СДЮСШ-3, 2. Скрябин Соломон – СДЮСШ-3, 3. Игнатьев Саян – Сунтаар, 3. Кириллов Адам – Уус Алдан.

52 кг, барыта 25 кыттааччы: Саввинов Платон – Үөһээ Бүлүү, 2. Свешников Ярослав – Анаабыр, 3. Игнатьев Дамир – Мэҥэ Хаҥалас, 3. Окороков Святослав – Амма.

55 кг, барыта 4 кыттааччы: 1. Алексеев Алексей – ДЮСШ-5, 2. Петров Арсен – ДЮСШ-5, 3. Коркин Эргис – Чурапчы, 3. Коркин Арылхан – Мэҥэ Хаҥалас.

Кыргыттар, 29 кг, барыта 2 кыттааччы: 1. Соловьева Валерия – СДЮСШ-3, 2. Винокурова Елена – СДЮСШ-3.

Кыргыттар, 33 кг, барыта 5 кыттааччы: 1. Явловская Варя – Нам, 2. Газибекова Мадина – Нам, 3. Егорова Варвара – СДЮСШ-3, 3. Кононова Анастасия – СДЮСШ-3.

Кыргыттар, 35 кг., биир кыттааччы: 1. Кононова Милана – СДЮСШ-3.

Иккис күн түмүктэрэ:

Иккис күн 15 чыыһылаҕа барыта 186 оҕо кыттыыны ылла, 2010-2011 с.т. уолаттар туһуннулар.

27 кг, барыта 16 кыттааччы: 1. Семенов Егор – Үөһээ Бүлүү, 2. Массаев Аман – СДЮСШ-3, 3. Диодоров Валерий – Чурапчы, 3. Башарин Александр – ДЮСШ-5.

31 кг, барыта 21 кыттааччы: 1. Макеев Андрей – Уус Алдан, 2. Шакиров Мухаммад Реза – СДЮСШ-3, 3. Хакыров Анатолий – Ньурба, 3. Платонов Николай – Хатас.

36 кг, барыта 40 кыттааччы: 1. Аммосов Ефим – СДЮСШ-3, 2. Скрябин Саян – СДЮСШ-3, 3. Охлопков Лев – Нам, 3. Находкин Айдын – СДЮСШ-3.

39 кг, барыта 27 кыттааччы: 1. Тимофеев Вадим – Сунтаар, 2. Федоров Сергей – СДЮСШ-3, 3. Харитонов Константин – Мэҥэ Хаҥалас, 3. Аталларов Игорь – Чурапчы.

42 кг, барыта 17 кыттааччы: 1. Попов Александр – Чурапчы, 2. Васильев Уйусхан – Чурапчы, 3. Федоров Одун – Мэҥэ Хаҥалас, 3. Поздеев Мирон – СДЮСШ-

48 кг, барыта 26 кыттааччы: 1. Слепцов Владимир – Мэҥэ Хаҥалас, 2. Михайлов Влад – СДЮСШ-3, 3. Федоров Саян – Нам, Сидоров Ярослав – Чурапчы.

65 кг, барыта 33 кыттааччы: 1. Постников Роман – СДЮСШ-3, 2. Максимов Эйнар – Горнай, 3. Николаев Андрей – Мэҥэ Хаҥалас, 3. Протопопов Ахиллес – СДЮСШ-

75 кг диэри, барыта 6 кыттааччы: 1. Михайлов Айаар – Чурапчы, 2. Сергучев Михаил – Сунтаар, 3. Нефедов Константин – СК Мырей, 3. Айдын Байдын – Нам.

Бу күрэхтэһии атына уонна дьиктитэ диэн, Егор Иннокентьевич Черкашин бэйэтэ үөрэтэн таһаарбыт оҕолоро сылын аайы иилээн-саҕалаан ыыталлар уонна тэрийэллэр эбит. Бу дьэ кырдьык олус үчүгэй бачыым уонна кини үөрэппит оҕолорун махтала кыра оҕолорго салгыы бэриллэ турара, көрүөххэ олус үчүгэй дьыала эбит.

Ол курдук, бу күрэхтэһии тэрээһинигэр кытыннылар уонна анал бириистэри туруорустулар: Ступников Максим (оҕолорго Россия чемпиона), Киприянов Михаил (Россия маастара), Мыреева Лина (Россия маастара, Россия чемпионката, билигин Санкт-Петербурга тириэнэринэн үлэлиир), Макаров Владик (оҕолорго Россия чемпиона уонна призёра), Валиев Дима (Россия маастара), Валеев Никита (Россия маастара), Иванов Афоня (Россия маастара), Варламов Саша (Россия маастара), Карамзин Айтал (Россия маастара). Бу ааттаммыт дьон күрэхтэһии үөрүүлээх аһыллыытыгар кэлэн бэйэлэринэн тыл эппиттэрэ, көрүөххэ да истиэххэ да олус үчүгэй этэ.

Кыайыылаах оҕолор тэрийээччилэр ааттарыттан чемпионскай аалай лиэнтэ кэттилэр, хаартыскалаах мэтээллэринэн, грамота кумааҕынан уонна анал бириистэринэн наҕараадаланнылар.

Өйдүү-саныы сылдьар гына оҕолор бука бары Егор Иннокентьевич Черкашины кытта уопсай хаартыскаҕа түстүлэр.

Биһиги үөрэрбит диэн, бу күрэхтэһии сүрүн салайар судьуйатынан, биһиги бары да бэркэ диэн олус убаастыыр убайбыт, Аан дойду аҕам саастаах дьон тустууларыгар икки төгүллээх чемпиона, бу ааттаммыт күрэхтэһии биэс төгүллээх призёра, РФ физическэй культуратын туйгуна, Саха сирин үтүөлээх тириэнэрэ, Таатта улууһун бочуоттаах олохтооҕо Иннокентий Семенович Кочкин икки күннээх күрэхтэһиини салайан үрдүк таһымнаахтык ыытта. Инникитин даҕаны үлэ үөһүгэр сылдьар убайбытыгар Иннокентий Семеновичка ситиһиилэри уонна кыайыылары баҕарабыт!

Бу күннэргэ элбэх ыалдьыт уонна оҕолор төрөппүттэрэ тустууга кэлэн оҕолоругар ыалдьан, күрэхтэһии үрдүк тэрээһиннээхтик барбытын бэлиэтээн туран, оскуола СДЮСШ-3 салайааччыларыгар, чуолаан бу оскуола дириэктэригэр Василий Васильевич Уйгуровка уонна тириэнэр уолаттарга барҕа махтал тылларын эттилэр, үөрэн-көтөн дуоһуйа сынньанан тарҕастылар.

Инникитин даҕаны бу маннык үчүгэй тэрээһиннээх күрэхтэһиилэр оҕолор ортолоругар ыытылла турдуннар диэн санааларын этэн үллэстэн бардылар.

Бу маннык элбэх кыттааччылаах уонна улахан таһымнаах күрэхтэһии, мин санаабар киэҥ-куоҥ спортивнай саалаҕа ыытыллара буоллар, өссө үрдүк тэрээһиннээхтик уонна көхтөөхтүк ыытыллыа эбит дии санаатым.

Дмитрий ЕГОРОВ – Амид.

Дьокуускай куорат.