Сонуннар

Дуобат оонньуута өссө да сайда турдун!

Кулун тутар 4-5 күннэригэр Бүлүүгэ – гроссмейстердар Гаврил Колесов, Иван Токусаров, Степанида Кириллина бириистэригэр дуобакка республикатааҕы турнир буолан ааста.

Күрэхтэhиигэ Мирнэйтэн, Сунтаартан, Ньурбаттан, Үөhээ Бүлүүттэн, Бүлүүттэн, Кэбээйиттэн, Горнайтан, Амматтан, уопсайа 98 дуобатчыт кыттынна. Икки күннээх сытыы киирсиилэр кэннилэриттэн кыайыылаахтар быhаарылыннылар:

Эр дьоҥҥо: 1. Федотов Андрей (Амма), 2. Заровняев Чаҕыл (Горнай), 3. Павлов Дьулусхан (Бүлүү).

Дьахталларга: 1. Терентьева Сардаана (Үөhээ Бүлүү), 2. Старостина Марина (Сунтаар), 3. Саввинова Галина (Бүлүү).

Бэтэрээн эр дьоҥҥо: 1. Прокопьев Иннокентий (Сунтаар), 2. Борисов Борис (Ньурба), 3. Степанов Анатолий (Ньурба).

Бэтэрээн дьахталларга: 1. Николаева Тамара (Бүлүү), 2. Николаева Пелагея (Сунтаар), 3. Андреева Зоя (Мирнэй).

Кыра саастаах уолаттарга: 1. Данилов Дамир, 2. Ковров Кирсан (иккиэн – Горнай), 3. Ефремов Дима (Амма).

Кыра саастаах кыргыттарга: 1. Васильева Ира (Үөһээ Бүлүү), 2. Федотова Милена (Үөhээ Бүлүү), 3. Герасимова Сайыына (Ньурба).

Улахан саастаах уолаттарга: 1. Михайлов Арсен (Горнай), 2. Алексеев Алик (Ньурба), 3. Огочонов Айгылаан (Үөhээ Бүлүү).

Улахан саастаах кыргыттарга: 1. Терентьева Люция (Үөhээ Бүлүү), 2. Сотникова Ариадна (Ньурба), 3. Тимофеева Дайаана (Ньурба).

Күрэхтэhии кылаабынай судьуйатынан бэйэтэ Бүлүүттэн төрүттээх, Арассыыйа категориялаах судьуйа, Хаҥалас улууhун старшай тренерэ, элбэх дуобатчыты иитэн таhаарбыт Иванов Владимир Владимирович үлэлээтэ. Дуобатчыттар 9 тур швейцарскай систиэмэнэн оонньоотулар. Кыайыылаахтар грамотанан, мэтээлинэн, сыаналаах бириистэринэн наҕараадаланнылар. Турнирга Амматтан Аан дойду 2 төгүллээх чемпиона, гроссмейстер Андрей Федотов кэлэн кыттан күрэхтэhиини киэргэттэ, таhымын үрдэттэ уонна эрэллээхтик бастаан, телевизор хаhаайынынан буолла. Миэстэлэспиттэртэн атын 30-тан тахса дуобатчыт гроссмейстердар туруорбут өйдөбүнньүк бэлэхтэрин, харчынан бириистэрин, махтал суруктарын тутан үөрдүлэр-көттүлэр. Хас да дуобатчыт спортивнай разряд нуорматын толордо.

Күрэхтэhии тэрээhинигэр, бириискэ Бүлүү спорка управлениета (Евсеев Г.С.), “Кэскил” оҕо дьоҕурун сайыннарар киин (Алексеева С.А.), педагогтар Богарытова Т.С., Захарова С., Саха сирин дуобакка федерацията (Сидоров Я.Э.), УФКиМС (Оконешников Р.И.), Бүлүүттэн төрүттээх дуобакка маастарга кандидат, Бороҕон нэhилиэгин баhылыга Иванов А. И., спорт маастара Тимофеев А.К., Бүлүү дуобакка федерациятын салайааччыта Николаев Н. С. күүс-көмө, өйөбүл буолбуттарын иhин барҕа махталбытын тиэрдэбит. Эhиил бу үгэскэ кубулуйбут республиканскай турнир Мирнэйгэ ыытыллара былааннанар. Саха сиригэр дуобат оонньуута өссө да сайда турдун!

Гроссмейстердар Гаврил Колесов, Иван Токусаров.

Добавить комментарий

Ваш адрес email не будет опубликован. Обязательные поля помечены *

141101
Бүгүн : 209