Биһигиттэн кимнээх тустуохтарай?

Эрдэ иһитиннэрбиппит курдук, бу өрөбүллэргэ – муус устар 1-2 күннэригэр Аллараа Бэстээххэ (Мэҥэ Хаҥалас) Т.А. Пинегин аатынан «Парус» спортивнай комплекска, 24-гэр диэри саастаах тустууктар Дальнай Восток федеральнай уокуругар бастыыр иһин күрэхтэһиилэрэ ыытыллар.

Бу күрэхтэһиигэ дьиэлээхтэртэн – Саха сирин хамаандатыттан элбэх бөҕөс кыттара күүтүллэр. Биллэрин курдук, Дальнай Восток зонатын түһүлгэтигэр ситиһиилээхтик кыттыбыттар – бу саастаахтарга ыытыллар Россия күрэхтэһиитигэр кыттар быраабы ылыахтара. Онон, туһугар эппиэттээх күрэхтэһии диэххэ сөп. Манна билиҥҥи кэмҥэ ситиһиилээхтик туста сылдьар Любомир Ашеин, Олег Фомин, Станислав Свинобоев, Никита Софронов, Никита Хабаров курдук күүстээх бөҕөстөрбүт кытталлар.

Биһиги билгэлээһиммитинэн бэйэбит уолаттарбытыттан мэтээл иһин сүрүннээн тустуохтара:

57 кг – Любомир Ашеин, Харысхал Григорьев, Дархан Игнатьев, Валерий Андросов, Егор Явловскай.

61 кг – Уйгулан Иванов, Валентин Бурнашев, Манчаары Ильинов, Александр Авелов, Дмитрий Илларионов.

65 кг – Александр Иванов, Петр Парников.

70 кг – Олег Фомин, Вальтер Владимиров, Алексей Данилов, Уйгулан Протодьяконов.

74 кг – Станислав Свинобоев, Албан Аввакумов, Николай Сивцев.

79 кг – Василий Кириллин, Андриан Ленскэй.

97 кг – Никита Софронов.

125 кг – Никита Хабаров, Эдуард Максимов.

Биллэн турар, сүрүн утарсааччыларбытынан Бурятия Республикатын тустууктара буолуохтара. Күрэхтэһии туһунан «Дьулурҕан» сайтыгар, Телеграм уонна ютуб каналларыгар төһө кыалларынан сырдатыахпыт. Күрэхтэһии күннэринэн программатын сайтан билсиэххитин сөп.

«Дьулурҕан».