Александр Стрекаловскай кэриэһигэр иккис күрэхтэһиигэ…

Кулун тутар 18 күнүгэр Уус Алдан улууһун Дүпсүн нэһилиэгэр, И.Н. Жирков аатынан Дүпсүн орто оскуолатыгар, көҥүл тустууга ССРС спордун маастара, Сойуус  эдэрдэргэ чемпиона Александр Федорович Стрекаловскай кэриэһигэр 2011 сылтан кыра саастаах уолаттарга көҥүл тустууга уонна хапсаҕайга аһаҕас турнир үрдүк таһымнаахтык буолан ааста. 

Манна Уус Алдан оскуолаларыттан 7, Дьокуускай куораттан 4 уонна Майа, Кэбээйи, Нам, Чурапчы улуустарыттан барыта 17 хамаанда, 121 эдэр бөҕөс күөн көрүстэ.

Турнир кылабынай судьуйатынан хапсаҕайга Саха Респбликатын спордун маастара, көҥүл  тустууга республикатааҕы категориялаах судьуйа Афанасьев Станислав Егорович, спортивнай комментаторынан республика улахан таһымнаах күрэхтэрин ыытааччыта Васильев Александр Васильевич-Көрдүгэн, кылаабынай секретарынан Дьокуускайтан Данилов Вадим Петрович үлэлээтилэр.

Тэрээһин үөрүүлээх аһыллыытыгар Дүпсүн нэһилиэгин дьаьалтатын баһылыгын солбуйааччы Федоров И.И., көҥүл тустууга ССРС спордун маастара, Саха АССР үтүөлээх тренерэ, Александр Федорович тренерэ, Константинов Н.Н., бииргэ төрөөбүт балта Протопопова О.Ф. уонна турнир кылаабынай судьуйата Афанасьев С.Е. эҕэрдэ тыл эттилэр.

Республиканскай араас ырыа күрэҕин хас да төгүллээх лауреата, 2020 сыл түмүгүнэн Уус Алдан улууһугар бастыҥ ыччат лидера, сыл ахсын ыытыллар «Туой хайа» бастыҥ авторскай ырыа анал аат хаһаайката, Саха Республикатын культуратын туйгуна, балтыбыт Екатерина Алексеева-Готовцева «Эр хоһуун буол» диэн ырыатынан; республика, Бүтүн Россия, аан дойду күрэхтэрин хас да төгүллээх призердара, кыайыылаахтара Дүпсүн орто оскуолатын хомусчут уолаттарын «Кэскил» образцовай ансаамбыла (сал. Михайлова Т.С., Атласова Е.В.) саҥа дьүһүйүүлэринэн тэрээһини киэргэттилэр.

Араас кэмнэргэ спорт сайдыытыгар кылааттарын киллэрсибит Сыроватскай И.Н., Алексеев И.А., Копырин В.П., Стрекаловскай Ф.Ф. уонна  үлэлэһэ сылдьар Иванов А.А., Федоров И.И, Сыроватскай А.Д., Протопопова О.Ф. наҕараадалары, грамоталары, махтал суруктары туттулар.

Турнир ыалдьыттарынан буоллулар: Ноговицын Михаил Васильевич – ССРС спордун маастара, көҥүл тустууга ССРС 3 төгүллээх призера, Баишев  Иннокентий  Игнатьевич – ССРС спордун маастара, педагогическай  наука кандидата, ХИФУ  ИФКиС  кафедратын доцена, Крылов Николай  Романович – ССРС спордун маастара, Саха Республикатын үтүөлээх тренерэ уо.д.а.

Сыырдаах спортивнай оскуолатын тренердэрэ уонна выпускниктара, салайааччы Константинов Николай Николаевич, бу да сырыыга оҕолорго анаан элбэх анал бириистэри, оскуола уонна олохтоох библиотекаларыгар спортивнай журналлары бэлэх ууннулар.

Ыйааһыннарынан кыайыылаахтарынан таҕыстылар:

25 кг – Белолюбский Андрей (Дьокуускай, тренер Крылов Н.Р.), 29 кг – Массаев Аман (Дьокуускай, тренер Черкашин Е.И), 32 кг – Кузьмин Кирилл (Майа, тренер Яковлев В.П.), 35 кг – Попов Костя (Бороҕон, тренердэрэ Соловьев П.А., Бурнашев К.К.), 38 кг – Бурцев Антон (СДЮСШ3, тренердэрэ Кочкин И.С., Каженкин М.М.), 40 кг – Скрябин Соломон (СЮДСШ3, тренердэрэ Кочкин И.С., Каженкин М.М.), 45 кг – Устинов Эрнест (Дьокуускай, тренер Крылов Н.Р.), 50 кг – Мохначевскай Сергей (Майа, тренер Яковлев В.П.), 55 кг – Аржаков Костя (Майа, тренер Яковлев В.П.), 60 кг – Залегаев Артем (Кэбээйи, тренердэрэ Попов А.Е., Иванов А.О.)

Турнир спонсордара: ыйааһыннарынан бириистэри ийэбит уонна аҕабыт өттүттэн бииргэ төрөөбүттэрэ Алексеевтар, Стрекаловскайдар, Сивцевтэр, аймахтарбыт Шадриннар, Фёдоров И.Ю., Борисов И.И., Сивцев Ф.Г., Сивцев Г.Г., Стрекаловскай З.З., табаарыстарбыт Сивцев Ю.А. дьиэ кэргэттэрэ туруордулар. Ону таһынан анал бириистэри нэһилиэк дьаһалтата (сал. Сивцев Н.Н.), улуус спорка уонна ыччат политикатыгар начальнига Давыдов К.В., Дүпсүннээҕи ДьУоКХ (сал. Тордуянов И.Т.), Бочкарев И.И., Найахыга дьарыктаабыт уолаттара, ДЮСШ №3 (Афанасьев С.Е.), Сыырдаах спортоскуолатын выпускниктара уонна тренердэрэ (сал. Константинов Н.Н.), Дүпсүҥҥэ, Сыырдаахха бииргэ үөрэммит  доҕотторо 1981 выпустар, Муоматтан Стрекаловскайдар аймах, Бороҕонтон Стрекаловскай И.И., Алексеев И.А.

Биһиги дьиэ кэргэн туруорбут анал бирииспит телевизор уонна кубок хаһаайынынан Дьокуускай куораттан СДЮШ-3 иитиллээччитэ Шепелев  Саша; олимпийскай чемпион, аан дойду үс төгүллээх чемпиона, ССРС  үтүөлээх маастара, Украина үтүөлээх тренерэ Александр Фёдорович  тренерэ – Павел Павлович Пинигин спецбирииһин – кубогы Дьокуускай 33 № оскуолатыттан  Массаев Аман, онтон  Киевкэ бииргэ үөрэммит доҕотторо, бу да сырыыга анал бириистэрин олохтоох оҕолорго анаатылар. Ол курдук, скоростной велосипеды 5-с кылаас үөрэнээччитэ Акимов Сеня уонна спортивнай көстүүмү эмиэ 5-с кылаас үөрэнээччитэ Прибылых Вова  тутан үөрдүлэр.

Абсолютнай хапсаҕайга барыта 11 уол  кыайыы иһин күөн көрүстүлэр. Хабыр хапсыһыы кэнниттэн кыайыылааҕынан уонна нэһилиэк депутата, тустууга уонна хапсаҕайга эппиэттээх салайааччыта   Петр Николаевич Новгородов туруорбут телевизор бирииһин хаһаайынынан Дьокуускай куорат 25 № оскуолатыттан Эрнест Устинов таҕыста (тренер Крылов Н.Р.).

Иккис сылын ыытыллар турнир тэрээһинигэр быһаччы көмөлөспүт аймах-билэ дьоммутугар, спонсордарбытыгар, олохтоох дьаһалтабытыгар (Сивцев Н.Н., Федоров И.И.), Дүпсүн орто оскуолатын коллективыгар (Сыроватскай А.Д., Сыроватская Ф.В.),  Дүөндү сынньалаҥ киинигэр (Стручкова А.А., Копырин З.А), участковай балыыһаҕа (Алексеева П.Н., Бочкарева В.А.), СХПК коллективыгар (Герасимов М.П., Нестеров А.А.)  бары  киэҥ аймахтар ааттарыттан махталбытын тиэрдэбит.

Турнирга кэлбит ыалдьыттар, мустубут тренердэр Александр Федорович эһиил 60 сааһынан турниры Дьокуускай куоракка ыытарга уонна Дүпсүн оскуолатыгар тренер штатын көрдөрүөххэ диэн баҕа санааларын эттилэр.

Спортивнай хамсааһын 100 сылынан нэһилиэкпит олоҕор эмиэ биир суолталаах, эт-хаан өттүнэн сайыннарар, чэбдигирдэр, чөл олоҕу пропагандалыыр тэрээһин буолбутуттан астынныбыт, сүргэбит көтөҕүлүннэ.

Ольга ПРОТОПОПОВА, А.Ф. Стрекаловскай бииргэ төрөөбүт балта.