Тустууну сайыннарыыга дьоһуннаах дьаһал

Бүгүн, олунньу 28 күнүгэр дойдубут тэбэр сүрэҕэр – Москваҕа, Россия спортивнай тустууга федерациятын президенэ Михаил Геразиевич Мамиашвили, М.К. Аммосов аатынан Хотугулуу Илиҥҥи федеральнай университет ректора Анатолий Николаевич Николаев, Студеннар спортивнай тустууга лигаларын президенэ Гаджиахмед Султанахмедович Султанахмедов бииргэ үлэлииргэ сөбүлэһиилэрэ ыытылынна.

Сөбүлэһиигэ, өрүттэр спортивнай тустууну сайыннарыыга бэйэ-бэйэлэригэр көмөлөһөргө соруктаннылар. Ол курдук, студент ыччаттар ортолоругар спортивнай тустууну киэҥник тарҕатыы; спортивнай базаны сайыннарыы; физкультурнай уонна спортивнай тэрээһиннэри ыытыы; эт-хаан, өй-санаа, дойдуга тапталы иҥэриигэ иитии; методическай көмөнү оҥоруу о.д.а. дьайыылар буолаллар.

Дьэ, саха студент ыччатын ортотугар спортивнай тустууну сайыннарыыга өссө биир дьоһуннаах дьаһал оҥоһулунна. Аны өрүттэр үлэ былаанын ылынан, Сөбүлэһиилэрин олоххо киллэрэн киирэн барыахтарын наада.

«Дьулурҕан».