Сонуннар

Теннисчиттэрбит Дальнай Востокка хайдах кытыннылар?

Соторутааҕыта Южно Сахалинскай куоракка Дальнай Восток федеральнай уокуругун остуол тенниһигэр чемпионата ыытыллан түмүктэннэ. Онно 8 хамаандаттан барыта 123 спортсмен күөн көрүстэ.

Эр дьоҥҥо Саха сирин хамаандата (Егор Овчинников, Василий Румянцев, Максим Федоров, Михаил Кылабысов, Богдан Капитонов) иккис миэстэни ылла. Бастакы миэстэҕэ Бурятия хамаандата таҕыста.

Оттон дьахталларга Ольга Тихонова, Анита Ноговицына, Диана Пахомова, Айыына Петрова, Сания Ефимова састааптаах хамаандабыт Бурятия уонна Приморскай кыраай хамаандаларын кэнниттэн үһүс буоллулар.

Биирдиилээн оонньууга эр дьоҥҥо Егор Овчинников бастаата. Пааранан оонньууга Егор Овчинников – Василий Румянцев үһүс миэстэни ыллылар.

Онон бу чемпионаттан биһиги спортсменнарбыт барыта – 1 кыһыл көмүс, 1 иккис уонна 2 үһүс миэстэлэри ыллылар.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

160245
Бүгүн : 145