Ньурбалар күрэхтэһиини бэркэ тэрийэн ыыттылар

Ньурба улууһугар, сахалартан көҥүл тустууга ССРС спордун бастакы маастара Дмитрий Максимович Данилов аатынан (2008-2009 с.т.) уолаттарга республикаҕа биирдиилээн уонна хамаанданан бастыыр иһин күрэхтэһии Октябрьскай нэһилиэк А.И. Пахомов аатынан спорт саалатыгар ыытыллан түмүктэннэ.

Күрэхтэһии үөрүүлээх аһыллыыта улуус баһылыгын 1-кы солбуйааччыта Н.И. Бурнашев, “Октябрьскай нэһилиэк” МТ баһылыга С.А. Корякин, “Сунтаар оройуона” муниципальнай оройуон баһылыга А.В. Григорьев, “Үөдэй нэһилиэгэ” МТ баһылыга М.П. Николаева, Республикатааҕы спортивнай эрэллэри бэлэмниир киин бэрэссэдээтэлэ М.И. Варламов, СР көҥүл тустуу федерациятын чилиэнэ, Арассыыйа уонна Саха Республикатын көҥүл тустууга үтүөлээх тренерэ Б.Г. Яковлев, Арассыыйа спордун маастара, күрэхтэһии сүрүн судьуйата В.С. Барашкова, Дмитрий Максимович Данилов кийиитэ С.Н. Данилова кыттыылаах ыытылынна.

Республикатааҕы спортивнай эрэллэри бэлэмниир киин Махтал суруга – Ньурбатааҕы оҕо спортивнай оскуола тренердэригэр В.В. Алексеевка, А.Н. Афанасьевка, П.А. Додоховка, Э.А. Дмитриевка, Ш.Г. Ивановка, Р.З. Самиевка, С.А. Румянцевка, Р.Г. Окоемовка тутарылынна.

Саха Өрөспүүбүлүкэтин көҥүл тустууга федерациятын президенэ А.С. Николаев Махтал суругунан “Ньурба оройуона” МО бастакы солбуйааччыта, улуус көҥүл тустууга федерациятын салайааччыта Н.И. Бурнашевка, улуустааҕы физическэй култуура уонна спорт управлениетын салайааччыта Р.А. Алексеевка, Ньурбатааҕы оҕо спортивнай оскуола дириэктэригэр А.В. Иннокентьевка, Ньурбатааҕы оҕо спортивнай оскуолатын көҥүл тустууга тренерыгар И.В. Бурнашевка туттарылынна.

Күрэхтэһиигэ барыта 17 хамаанда, 309 кыттааччы 12 ыйааһыҥҥа икки күн устата күөн көрүстэ.

Хамаанданан уопсай түмүк маннык буолла: 1 миэстэ – Дьокуускай, 2 миэстэ – Чурапчы улууһа, 3 миэстэ – Сунтаар улууһа. Ньурба улууһун хамаандата 4-с миэстэ буолла.

Ити курдук үс күннээх күрэхтэһиибит биир тыынынан ааһан түмүктэнэ оҕуста. Ньурба улууһа күрэхтэһиини бэркэ тэрийдэ. Сергей Анатольевич уонна тренерскэй састаап күүскэ улуус баһылыктарын, салайааччыларын кытта бииргэ үлэлээн, саха тустуук оҕолоругар улахан бырааһынньык тэрийдилэр. Эһиилги маннык күрэхтэһиини тутатына 3 улуус бу таһымтан түһэрбэккэ тэрийиэ этибит диэн баҕа санааларын эттилэр.

Улуус баһылыгын бастакы солбуйааччытыгар Бурнашев Николай Ивановичка Бүлүү бөлөх тренердэрэ уонна спорт салайааччылаах зонанан сүүмэрдээһин оҥоһуллан, эбии каникул кэмигэр сбордар тэриллэллэрин туһунан кэпсэтии хамсааһына тахсан, кэскиллээх былааннары ылынныбыт. Онон улуус тренердэрэ дириэктэрдэргитин, спорт управленияҕытын кытта ыкса бэйэҕит улуустаргыт баһылыктарынаан үлэлээтэххитинэ, маннык күрэхтэһии өссө үрдүк таһымҥа тэриллэн бара туруо этэ!

Кузьма СИВЦЕВ, республика оҕолорго сүүмэрдэммит хамаандатын старшай тренерэ.