Сонуннар

ХИФУ дуобатчыттара бастаатылар

Челябинскайга, Бүтүн Россиятааҕы студеннар дуобакка күрэхтэһиилэригэр М.К. Аммосов аатынан Хотугулуу Илиҥҥи государственнай университет хамаандата ситиһиилээхтик кытынна. Манна дойду үрдүк үөрэххэ кыһаларын 13 хамаандата кэлэн күрэхтэстэ.

Хамаанда салайааччыта Юрий Никифоров биһиэхэ иһитиннэрбитинэн, хамаанданан түмүккэ Архан Титов, Валентин Иванов, Дайаана Кондратьева, Альбина Большакова састааптаах ХИФУ дуобатчыттара бастакы миэстэни ыллылар.

Уолаттарга Архан Титов 23 кыттааччыттан 11 очколаах иккис миэстэни ылла. Манна Архан Екатеринбургтан гроссмейстер Дамир Рысаевы кыайбыта, өссө биир гроссмейстэри кытта тэҥнэспитэ кэрэхсэбиллээх. Бу бөлөххө Валентин Иванов 10 очколаах бэһис буолла.

Кыргыттар бөлөхтөрүгэр Дайаана Кондратьева иккис, Альбина Большакова үһүс миэстэлэннилэр.

Спортсменнары уонна кинилэр тренердэрин бу ситиһиинэн эҕэрдэлиибит!

«Дьулур5ан».

Добавить комментарий

Ваш адрес email не будет опубликован. Обязательные поля помечены *

161058
Бүгүн : 112