Гаврил Текеянов кэриэһигэр волейболга күрэхтэстилэр

Маҥыраска, олорон эрэн волейболга Саха сирин сүүмэрдэммит хамаандатын чилиэнэ, Россия спордун маастара Гаврил Родионович Текеянов сырдык аатыгар республикатааҕы күрэхтэһии ыытылынна.

Манна Амма, Дьокуускай, Мэҥэ Хаҥалас, Горнай, Нам, Чурапчы, Үөһээ Бүлүү хамаандалара кэлэн күрэс былдьастылар. Барыта 95 кыттааччы. Ол курдук, эр дьоҥҥо 7, дьахталларга 6 хамаанда кытынна.

Түмүккэ эр дьоҥҥо Мэҥэ Хаҥалас бастаата, Амма иккистээтэ, Дьокуускай үһүстээтэ. Оттон дьахталларга түмүк маннык буолла: 1-кы миэстэ – Чурапчы, 2-с миэстэ – Мэҥэ Хаҥалас, 3-с миэстэ – Амма. Кыайыылаах хамаандалар кубогы таһынан харчынан бириистэри туттулар. Оттон оонньооччулар мэтээллэринэн, дипломнарынан наҕараадаланнылар.

Күрэхтэһии түмүгүнэн бастыҥ оонньооччуларынан Александр Шишигин (Мэҥэ Хаҥалас) уонна Анна Заровняева (Чурапчы), бастыҥ кимээччилэринэн Никита Лобанов (Амма) уонна Алена Дмитриева (Нам), туөалаах оонньооччуларынан Александр Третьяков (Дьокуускай) уонна Светлана Софронова (Амма), дэгиттэр оонньооччуларынан Афанасий Константинов (Амма) уонна Мария Пермякова (Мэҥэ Хаҥалас) ааттаннылар. Кинилэргэ анал бириистэр туттарылыннылар.

“Дьулурҕан”.