Сонуннар

Эрчиллэр түмсүүбүт тэрээһиннээхтик түмүктэннэ

Олунньу 8-19 күннэригэр Р.М. Дмитриев аатынан Олимпийскай эрэл училищетын базатыгар 2008-2009 сыллаах оҕолорбут ортолоругар, уопсайа 63 оҕо кыттыылаах сүүмэрдиир дьарыктарбыт буолан түмүктэннилэр. Ый саҥатыгар Ньурбаҕа ыытыллыбыт Д.М. Данилов республикатааҕы күрэхтэһиитин түмүгүнэн сүүмэрдэнэн.

Бу возрастпыт оҕолоро кэлэр 2024 сылга ыытыллыахтаах сайыҥҥы “Азия оҕолоругар” бэлэмнэнии 1-кы этабын уонна кэлэр ыйга буолар ДВФО первенствотыгар бэлэмнэниитигэр туһаайыллынна.

Сборбут бэрт сэргэхтик уонна биир тыынынан ыытыллынна. Ол курдук, схваткалартан ураты күннэрбитигэр оҕолор өйдөрүгэр-санааларыгар, илии-атах хамсааһыннарын упражненияларыгар уонна сүрүннээн күн ахсын мастер-класстар тэриллэннэр, оҕолорго улахан бэлэх оҥоһуллунна.

Ол курдук, Виктор Рассадин, А.С. Контоев, П.И. Кривошапкин, С.П. Сивцев уонна Бүтүн Россиятааҕы категориялаах судьуйаларбыт, Р.М. Дмитриев аатынан Олимпийскай эрэл училищетын музейын дириэктэрин Н.Н. Константинов семинардарыгар сырыттыбыт.

Түгэнинэн туһанан, маннык улахан тэрээһиннээх сборбутугар бары усулуобуйаны тэрийбит Р.М. Дмитриев аатынан Олимпийскай эрэл училищетын дириэктэригэр С.С. Чердоновка уонна кини коллективыгар, РЦПСР “Дохсун” дириэктэрин солбуйааччытыгар М.И. Варламовка, биһиги ыҥырыыбытын ылынан кэлэн дьарыкпытыгар кыттыспыт дьоммутугар уонна “Айрон” тэрилтэ салайааччытыгар М.Н. Зыряновка, устар бөлөҕүн хамаандатыгар – сборнай хамаанда оҕолорун, төрөппүттэрин уонна тренердэрин ааттарыттан барҕа махталбытын тиэрдэбит!

Саха Республикатын көҥүл тустууга уолаттарга сүүмэрдэммит хамаандатын тренердэрэ.

Добавить комментарий

Ваш адрес email не будет опубликован. Обязательные поля помечены *

201695
Бүгүн : 411