Сонуннар

Элеонора Николаева: “Кырдьаҕастар көхтөөхтүк кытыннылар”

Олунньу 9 күнүгэр республикатааҕы Адаптивнай физкултуура уонна спорт киинигэр доруобуйаларыгар хааччахтаах дьон остуол оонньууларыгар: хабылыкка уонна хаамыскаҕа республикатааҕы күрэхтэһиилэрэ буолан ааста.

Бу улахан тэрээһин туһунан күрэхтэһии кылаабынай судьуйата Элеонора Петровна Николаева санаатын үллэстэригэр көрдөстүбүт.

Күрэхтэһиигэ 15 хамаандаттан барыта 79 киһи кытынна. Улуустартан Амма, Абый, Бүлүү, Үөһээ Бүлүү, Ньурба, Нам, Сунтаар, Мэҥэ Хаҥалас, Кэбээйи, Таатта, Уус Алдан, Чурапчы уонна Дьокуускай куорат кытыннылар. Саамай аҕа саастаахпыт – 91-дээх Егор Николаевич Петров (Нам), Сунтаартан 78 саастаах Николай Николаевич Егоров кэлэн, бэрт ситиһиилээхтик оонньоон, бэйэтин бөлөҕөр иккис миэстэни ылан барда.   

Күрэхтэһии түмүгэ түөрт бөлөххө араарыллан таһаарылынна. Биһиги күрэхтэһиибит сылын ахсын ыытыллар. Квалификационнай буолан, маастардары туспа бөлөххө оонньотобут. Онон атыттар нуорманы толороллоругар кыаҕы үөскэтэбит. 2019 сыллаахха Спорт министиэристибэтин коллегиятыгар доруобуйаларыгар хааччахтаах дьон спорт маастарын нуорматын толорууларыгар норматив бигэргэтиллибитэ. Итинтэн ыла биһиэхэ, республикаҕа 11 спорт маастара үүнэн таҕыста. Кинилэртэн аҕам саастаахтара «Сахаада» спордун маастарын ылаллар. Бу сырыыга биһиэхэ эр дьоҥҥо алта, дьахталларга үс спорт маастардара кытыннылар. 

Чемпионат түмүк көрдөрүүтэ

Куһаҕаннык истэр дьоҥҥо:

1 миэстэ – Дьяконов Мичил (Бүлүү), 2 миэстэ – Васильев Анатолий (Ньурба), 3 миэстэ – Варламов Алексей (Таатта).

1 миэстэ – Иванова Раиса (Ньурба), 2 миэстэ – Черепанова Людмила (Сунтаар), 3 миэстэ – Капрынова Мария (Чурапчы).

ПОДА (туран эрэн):

1 миэстэ – Спиридонов Александр (Бүлүү), 2 миэстэ – Егоров Николай (Сунтаар), 3 миэстэ – Кусатов Владимир (Таатта).

1 миэстэ – Дьячковская Марфа (Чурапчы), 2 миэстэ – Пермякова Тамара (Мэҥэ Хаҥалас), 3 миэстэ – Гаврильева Светлана (Ньурба).

ПОДА (олорон эрэн):

1 миэстэ – Слепцов Валерий (Таатта), 2 миэстэ – Сорокоумов Дмитрий (Чурапчы), 3 миэстэ – Матвеев Алексей (Амма).

1 миэстэ – Саввина Любовь (Мэҥэ Хаҥалас), 2 миэстэ – Слепцова Александра (Дьокуускай), 3 миэстэ – Софронова Светлана (Амма).

Уопсай ыарыылаахтар:

1 миэстэ – Алексеев Альберт (Ньурба), 2 миэстэ – Максимов Сергей (Кэбээйи), 3 миэстэ – Павлов Айвар (Сунтаар).

1 миэстэ – Аммосова Альбина (Таатта), 2 миэстэ – Ушканова Анастасия (Ньурба), 3 миэстэ – Мартынова Акулина (Мэҥэ Хаҥалас).

Спорт маастардара:

1 миэстэ – Новгородов Виктор (Уус Алдан), 2 миэстэ – Устинов Алексей (Амма), 3 миэстэ – Иванов Дмитрий (Дьокуускай).

1 миэстэ – Матвеева Русанда, 2 миэстэ – Боронова Анастасия (иккиэн – Бүлүү), 3 миэстэ – Никифорова Наталья (Сунтаар).

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *

141108
Бүгүн : 216