Сонуннар

Дальнай Восток түһүлгэтиттэн 7 кыһыл көмүс мэтээл!

Благовещенскай куоракка олунньу 10-12 күннэригэр 18-гар диэри саастаах спортсменнар көҥүл тустууга Дальнай Восток федеральнай уокуругар бастыыр иһин күрэхтэһиилэрэ ыытыллан түмүктэннэ. Саха сирин хамаандата бу эппиэттээх күрэхтэһиигэ ситиһиилээхтик кытынна.

Түһүлгэҕэ Хабаровскай, Приморскай, Забайкальскай кыраайдартан, Амурскай, Сахалинскай, Еврейскэй автономнай уобаластартан, Бурятияттан, Саха сириттэн эдэр бөҕөстөр түмсэн, ким күүстээҕин быһаарыстылар.

Түмүккэ кыргыттарга Жанна Докторова (43 кг), Алина Кислякова (46 кг), Алина Кривошапкина (49 кг) бастаатылар. Надежда Куличкина (53 кг), Наталья Ким (57 кг) – иккис, Елена Харитонова (43 кг), Каролина Махарова (46 кг), Сардаана Васильева (57 кг) – үһүс миэстэлэри ыллылар.

Уолаттарга Денис Игнатьев (48 кг), Сандал Прокопьев (55 кг), Влад Ноговицын (60 кг), Степан Иванов (92 кг) – бастакы, Никита Элясов (42 кг), Анатолий Николаев (45 кг), Юрий Винокуров (51 кг), Максим Григорьев (55 кг), Анатолий Иванов (65 кг), Алексей Захаров (71 кг) – иккис, Уйусхан Халгаев, Сайдам Федоров (42 кг), Эльдар Аввакумов (45 кг), Михаил Осипов, Роман Кириллин (48 кг), Вадим Прядезников, Алексей Фокинов (51 кг), Ян Катакинов (55 кг), Артур Попов (60 кг), Ариан Оконешников (71 кг), Адам Николаев (80 кг), Владимир Басов (92 кг) – үһүс миэстэлэри ыллылар. Онон барыта 22 уол Россия финалыгар кыттар путёвка ылла.

Уолаттарга 11 ыйааһынтан – Саха сирэ 4, Забайкальскай, Бурятия 3-түү, Хабаровскай 1 чемпионнаахтар. Оттон кыргыттарга – Бурятия 5, Саха сирэ 3, Забайкальскай уонна Хабаровскай 1-дии бастакы миэстэлээхтэр.

Кыайыылаахтык кыттыбыт спортсменнарбытын уонна кинилэр тренердэрин бу ситиһиинэн эҕэрдэлиибит! Аны Россия түһүлгэтигэр ситиһиилээхтик кытталларыгар баҕарабыт.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *

161075
Бүгүн : 129