Сонуннар

Бэтэрээн мадьынылар кыахтарын көрдөрдүлэр

Олунньу 11-12 күннэригэр ыараханы өрө анньыы уонна көтөҕүү көрүҥнэригэр республика чемпионата буолан ааста. Саха бэтэрээн мадьынылара күүс-уох кырдьыбат үтүө холобурун көрдөрдүлэр.

Ол курдук, 75 саастаах Сергей Никифоров 105 киилэни өрө анньан соһутта! Оттон 70 саастаах Александр Скрыбыкин 220 киилэни өрө тардан, дьону-сэргэни, пауэрлифтинг тренердэрин, специалистарын сөхтөрөн, Уруй, Айхал аргыстанна. Ити курдук, 65 саастаах Антон Адамов 225 киилэни кыайа тутта. Үс ыарахан эппирээссийэ, ковид кэнниттэн 3-с группалаах инбэлиит киһиэхэ бу олус улахан көрдөрүү.

Сахалар киэн туттар бухатыырбыт Евгений Иванов 270 киилэни билэн көрбөккө кыайа тутта.

Маны таһынан А.Марков, И.Копырин,Н.Матаннанов, Д.Стручков ситиһиилээхтик кыттан, кыайыы өрөгөйүн билэн, эдэрдэригэр түстүлэр, үтүө холобур буоллулар.

Бэтэрээн мадьыныларга бэйэлэрин саастарыгар күүстэрин-уохтарын, санааларын, олоххо дьулуурдарын көрөн сөҕө-махтайа олорон, сахалар маспыт тардыһыыта үтүө сабыдыалын итэҕэйэҕин.

Аан дойду мас тардыһыытын күрэҕэр бэтэрээннэрбит бэйэлэрин саастарыгар инники күөҥҥэ сылдьыыһыктар диэн киэн тутта саныыгын.

Петр АФАНАСЬЕВ.

Добавить комментарий

Ваш адрес email не будет опубликован. Обязательные поля помечены *

160238
Бүгүн : 138