Сонуннар

Ат спордун дьоно – дэгиттэр кыахтаахтар

Чурапчы улууһун нэһилиэктэр икки ардыларыгар комплекснай спартакиадатын мас тардыһыыга күрэхтэһиитигэр, ат сүүрүүтүн биллэр тренерэ Дмитрий Осипов бэтэрээннэр ортолоругар 70 киилэҕэ 16 кыттааччытан чөмпүйүөн үрдүк аатын ылла.

Иллэҥ кэмигэр саха төрүт спорт көрүҥүн өрө тутар Дмитрий Осипов, ат сүүрүүтүгэр Ил Дархан бирииһин Мэйинг Конигы баайан, чочуйан – үстэ кыайан турар. Улууһун сүүрүк аттарын дьарыктаан, Чурапчы хамаандата Манчаары оонньууларыгар үс төгүл кубогы ылары ситиспитэ.

Мадьынылартан ат баайар тренердэргэ Амматтан Анатолий Баишев баар, билэҕит. Өссө Иван Ушницкай (Нөмүгү, Хаҥалас) – мас тардыһыыга спорт маастара, республика хас да төгүллээх чемпиона. Онон ат баайааччылар олус дэгиттэр дьоннор диэххэ сөп.

Сүүрдээччилэр да ортолоругар мас тардыһар уолаттар баар буола сылдьыбыттара. Афанасий Платонов (Амма) Манчаары оонньуутун кыайыылаа5а, республика чемпиона, Федор Дегтярев аатынан курэхтэьии абсолютнай чемпиона (75 кг). Эмиэ Амматтан Сэмэн Платонов «Саҥа ааттар» турнир кыайыылааҕа, ветераннарга республика чемпионатын призера.

Михаил МОРДОВСКОЙ – Михута.

Хаартыскаҕа: пъедестал үрдүкү үктэлигэр Дмитрий Осипов (Мындаҕаайы), иккис – Яков Кривошапкин (Болтоҥо), үһүс – Михаил Тарасов (Одьулуун).

Добавить комментарий

Ваш адрес email не будет опубликован. Обязательные поля помечены *

176508
Бүгүн : 74