Сонуннар

Андрей Афанасьев үс дистанцияҕа кыайда

Бу ый 16-18 күннэригэр Владивосток куоракка “Золотая рыбка” диэн харбааһыҥҥа оҕолорго Бүтүн Россиятааҕы күрэхтэһии буолан ааста. Манна 11-14 саастаах уолаттар уонна 9-12 саастаах кыргыттар кыттыыны ыллылар.

Уопсайа 42 хамаандаттан 745, Россия араас улахан куораттарыттан күүстээх спортсменнар кэлэн күөн көрүстүлэр. Саха сириттэн барыта 24 оҕо баран күрэхтэстэ. Ол иһигэр, Дьокуускай куораттан 21, Нерюнгриттан 3 оҕо.

Күрэхтэһии түмүгүнэн биһиги оҕолорбут үчүгэй бэлэмнээхтэрин көрдөрдүлэр. Ол курдук, Афанасьев Андрей үс дистанцияҕа – 50 м, 100 м, 200 м брасс 1-кы миэстэни ылла. Оттон Орлова Анастасия 100 м баттерфляй 3-с миэстэ буолла. Ону тэҥэ үс оҕо 3-с спортивный разряд уонна биир оҕо 1-кы юношеский разряд нуорматын толордулар.

Эдэр спортсменнарбытын уонна кинилэр тренердэрин Любовь Ефимовна Ходулованы бу ситиһиилэринэн эҕэрдэлиибит!

“Дьулурҕан”.

Добавить комментарий

Ваш адрес email не будет опубликован. Обязательные поля помечены *

136654
Бүгүн : 163