Сонуннар

Анаабырдар бастыҥнарын таллылар

Сааскылаахха, Аҕа дойдуну көмүскээччилэр күннэрин көрсө – Анаабыр национальнай улууһун, “Алмаз” культура киинин уонна Оҕо спортивнай оскуолатын көҕүлээһиннэринэн саха төрүт көрүҥнэригэр “Дыгын оонньууларыгар” сүүмэрдиир күрэхтэһии ыытылынна.

Күрэхтэһии кылаабынай судьуйатынан Оҕо спортивнай оскуолатын дириэктэрин эбээһинэһин толорооччу Сергей Петрович Протодьяконов, кылаабынай секретарынан Сияна Владимировна Нехорукова үлэлээтилэр.

Күрэхтэһиигэ уон эр бэрдэ: Кирилл Ербаев, Милан Спиридонов, Поохо Туприн, Афанасий Новиков, Иван Винокуров, Николай Михайлов, Дьулустаан Егоров, Айсен Семенов, Александр Рудых, Ильмар Туприн суруттаран, түһүлгэҕэ күөн көрүстүлэр. Кинилэр национальнай многоборье сэттэ көрүҥэр: сахалыы ыстаныыга, тутум эргииригэр, мас тардыһыыга, оҕунан ытыыга, сүүрүүгэ, хапсаҕайга уонна тааһы көтөҕүүгэ күрэхтэстилэр.

Көрүҥнэринэн түмүктэр маннык буоллулар

Сахалыы ыстаныыларга:

1.Айсен Семенов – 30 м, 2. Поохо Туприн – 27,67 м, 3. Николай Михайлов – 27,40 м.

Тутум эргииригэр:

1.Айсен Семенов – 47, 2. Александр Рудых – 23, 3. Афанасий Новиков – 15.

Мас тардыһыыга:

1.Айсен Семенов, 2. Иван Винокуров, 3. Поохо Туприн.

Ох саанан ытыыга:

1.Айсен Семенов, 2. Дьулустаан Егоров, 3. Милан Спиридонов.

400 м сүүрүүгэ:

1.Поохо Туприн – 1.19,28, 2. Николай Михайлов – 1.21,31, 3. Айсен Семенов – 1.21,38.

Хапсаҕайга:

1.Айсен Семенов, 2. Поохо Туприн, 3. Иван Винокуров.

119 киилэлээх тааһы көтөҕүүгэ:

1.Айсен Семенов – 80 м, 2. Поохо Туприн – 44 м 20 см, 3. Иван Винокуров – 11 м 18 см.

Онон сэттэ көрүҥ түмүгүнэн алтатыгар кыайбыт Айсен Семенов бастакы миэстэҕэ эрэллээхтик таҕыста. Иккис миэстэни сүүрүүгэ бастаабыт, түөрт көрүҥҥэ миэстэлэспит Поохо Туприн ылла. Үһүс бириистээх миэстэҕэ Афанасий Новиков таҕыста. Кинилэргэ Анаабыр улууһун баһылыга Афанасий Петрович Платонов бириис быһыытынан харчынан бириэмийэҕэ туоһу суруктары туттарда.

Ити курдук, анаабырдар бэйэлэригэр сүүмэрдиир күрэхтэһии тэрийэн, национальнай многоборьеҕа бастыҥнары таллылар. Кинилэр аны республика киинигэр кэлэн, “Дыгын оонньуутугар” кыттарга сүүмэрдиир күрэхтэһиигэ күүстэрин холоһуохтара.

“Дьулурҕан”.     

Добавить комментарий

Ваш адрес email не будет опубликован. Обязательные поля помечены *

136679
Бүгүн : 188