Иван Ярыгин-2023: Ким элбэхтэ бастаабытай?

Бүгүҥҥүттэн Красноярскайга албан аатырбыт тустуук Иван Ярыгин аатынан норуоттар икки ардыларынааҕы XXXIV турнир саҕаланар. Бу улахан таһымнаах күрэхтэһиинэн сибээстээн, турнир историятын санаан кэлиэххэ – Ярыгин түһүлгэтигэр ким элбэхтэ бастаабыт эбитий?

Алта төгүллээх кыайыылаах: Бувайсар Сайтиев.

Биэстии төгүллээх кыайыылаахтар: Давид Мусульбес, Курамагомед Курамагомедов, Махач Муртазалиев.

Түөртүү төгүллээх кыайыылаахтар: Ирбек Фарниев, Анзор Уришев, Джамал Отарсултанов, Ахмед Гаджимагомедов, Ильяс Бекбулатов, Исраил Касумов.

Үстүү төгүллээх кыайыылаахтар: Рустем Келехсаев, Геннадий Жильцов, Багаудин Умаханов, Насыр Гаджиханов, Сергей Ковалевскай, Хаджимурад Магомедов, Адам Сайтиев, Георгий Кетоев, Адам Батыров, Бахтияр Ахмедов. Абдусалам Гадисов, Ахмед Гаджимагомедов, Александр Богомоев, Владислав Байцаев, Заурбек Сидаков, Даурен Куруглиев, Кайл Снайдер (АХШ), Заур Угуев (Россия).

Онон ырытан көрдөххө, Иван Ярыгин турнирыгар саамай элбэхтэ, үс төгүллээх олимпийскай чемпион, Красноярскайдааҕы тустуу кыһатын чилиэнэ Бувайсар Сайтиев кыайбыта. Көрбүккүт курдук, кини алтата бастаабыта. Бу өтөрүнэн куоһарыллыбат көрдөрүү.

Бу ааттаммыт бөҕөстөртөн быйылгы күрэхтэһиигэ Исраил Касумов уонна Заурбек Сидаков кытталлар. Кинилэр бэйэлэрин көрдөрүүлэрин тупсарыахтара дуо?

Василий НИКИФОРОВ.