Болҕойуҥ, конкурс: Ханнык хамаанда бастыай?

Футболга аан дойду чемпионатыгар аналлаах викторина-конкурспут бүтээтин кытта тилэх баттаһа, соһуччу спонсор көстөн, аны бүгүҥҥүттэн билгэлээһин конкурсу саҕалыыбыт.

Конкурс түөрт ыйытыыттан турар. Уонна усулуобуйата уларыйбат. Билгэлээһиннэри ахсынньы 09 күнүгэр (түүн 00:00 чааска диэри) тутабыт.

Конкурс ыйытыылара:

  1. Финалга ханнык хамаандалар тахсыахтарай? (Сөптөөх хоруйга 1-дии очко ааҕыллар)
  2. Ханнык хамаанда кыайыыны ситиһиэй? (1 очко)
  3. Ханнык ахсаанынан? (2 очко)
  4. Чемпионат бастыҥ футболиһынан ким буолуой? (1 очко).

Билгэлэргитин dzulurgan.ru сайтка, бу конкурс балаһыанньатын анныгар баар Комментарии киирэн суруйаҕыт. Атын ханнык да сиргэ ыытыыгыт, ол аата – ватсаабынан, почтанан, тылынан этиигит ылыллыбат!

Кыттааччылар ааккытын-суолгутун, хантан сылдьаргытын, телефоҥҥутун толору суруйуохтааххыт. Уонна биир киһиттэн – биир эрэ билгэлээһин ылыллар.

Кыайыылаах «Илин эҥэр» футболга бэтэрээннэрин хамаандатын сыаналаах бирииһинэн бэлиэтэниэ. Ол курдук, бастаабыт киһи, билигин үгэннээн ыытылла турар футболга аан дойду чемпионатын футболкатынан уонна мээчигинэн наҕараадаланыа. Футболка Катартан аҕалыллыа!

“Илин эҥэр” хамаандаҕа барҕа махтал уонна Уруй, Айхал!!!

Дьэ, онон спорду, чуолаан футболу сэҥээрээччилэр кытаатыҥ. Конкурска көхтөөхтүк кыттыҥ!

“Дьулурҕан”.

49 комментариев для “Болҕойуҥ, конкурс: Ханнык хамаанда бастыай?

Добавить комментарий

Ваш адрес email не будет опубликован. Обязательные поля помечены *

030924
Бүгүн : 106