Тустуук, тренер альбом-кинигэтэ сөхтөрдө

Аан дойдутааҕы оскуола библиотекаларын күнүнэн “Мин дьиэ кэргэним саамай күндү кинигэтэ” диэн быыстапка туруорбуппут.

Онно Егор Афанасьевич Васильев диэн уруккута тустуук, оройуон, республика тустууга күрэхтэһиилэрин кыайыылааҕа, элбэх биллиилээх тустууктары кытта көбүөргэ күөн көрсөн киирсибит, билигин бочуоттаах сынньалаҥҥа олорор ытыктыыр киһибит бэйэтэ оҥорбут альбом-кинигэтин оскуолаҕа – оҕолорго ыытан көрдөрөн сөхтөрдө.

Егор Афанасьевич төрдө Туора Күөл, билигин Дэбдиргэҕэ олохсуйан олорор. Кини өр сылларга оҕолору тустууга эрчийэн тренеринэн үлэлээбитэ.

Гизелла ПОПОВА. Таатта.