Тарскай чемпионата: Көбүөргэ 293 бөҕөс тахсыаҕа

Бүгүн, Аллараа Бэстээх «Парус» спортивнай комплексыгар Н.Н. Тарскай аатынан көҥүл тустууга Саха сирин биирдиилээн уонна хамаанданан бастыыр иһин чемпионата үлэтин саҕалаата. Ол курдук, мандатнай хамыыһыйа кыттааччылары бигэргэттэ, 34 хамаандаттан барыта 293 бөҕөс испииһэккэ киирдэ.

Кинилэр ортолоругар норуоттар икки ардыларынааҕы кылаастаах 6 маастар, Россия спордун 63 маастара, 125 маастарга кандидаттар бааллар. Саамай элбэх кыттааччыны Мэҥэ Хаҥалас (22), Чурапчы, Уус Алдан (23-түү), Сунтаар (18) хамаандалара туруордулар. Сэрэйдэххэ, кубок иһин сүрүннээн бу хамаандалар киирсэллэрэ буолуо. Оттон саамай элбэх кыттааччылаах ыйааһыннарынан 61 уонна 70 кг буолбуттар, 36-лыы киһилээхтэр.

Кылгастык биирдиилээн ыйааһыннарга ханнык күүстээх бөҕөстөр баалларын билиһиннэриэххэ:

57 кг – спорт маастардара Любомир Ашеин (Өймөкөөн), Айаал Белолюбскай (Уус Алдан), Харысхал Григорьев (Сунтаар), Михаил Иванов (Горнай), Алексей Копылов (Нам), Петр Копылов (ХИФУ).

61 кг – Быйан Быйаман (Чурапчы), Владимир Егоров (Амма), Уйгулан Иванов (Мэҥэ Хаҥалас), Петр Константинов (ХИФУ), Федор Постников (Таатта), Дьулус Федотов (Үөһээ Бүлүү)…

65 кг – Дмитрий Аксенов (Томпо), Ньургун Александров (Үөһээ Бүлүү), Айхан Антонов (Ньурба), Семен Владимиров (Таатта), Эдуард Григорьев (Чурапчы), Владислав Кривошапкин (Мэҥэ Хаҥалас), Петр Павлов (Уус Алдан), Олег Фомин (Чурапчы)…

70 кг – Вальтер Владимиров (Горнай), Константин Капрынов (Чурапчы), Тимур Мамедов (Дьокуускай), Айсен Потапов (Үөһээ Дьааҥы), Кирилл Павлов (Сунтаар)…

74 кг – Албан Аввакумов (ХИФУ), Егор Пономарев (Чурапчы), Виктор Рассадин (Орто Халыма), Станислав Свинобоев (Мэҥэ Хаҥалас), Егор Захаров (Таатта)…

79 кг – Ларион Андреев (Хаҥалас), Константин Власов (Мэҥэ Хаҥалас), Андриан Ленскэй (Орто Халыма), Рустам Машарипов (Өймөкөөн), Тимур Николаев (Үөһээ Бүлүү)…

86 кг – Алексей Ефимов (Амма), Алексей Захаров (Чурапчы), Айсен Копырин (Уус Алдан), Прокопий Петров (Хаҥалас), Револий Самсонов (Сунтаар), Софрон Софронов (Мэҥэ Хаҥалас), Олег Чернов (Дьокуускай), Герман Устинов (Ньурба)…

92 кг – Иннокентий Иннокентьев (Үөһээ Бүлүү), Игорь Софронеев (Нам), Дмитрий Шадрин (Орто Халыма), Александр Халыев (Таатта), Владимир Федоров (Ньурба)…

97 кг – Ньургун Сергин (Мирнэй), Николай Николаев (Бүлүү), Сергей Семенов (Нам), Василий Винокуров (Чурапчы)…

125 кг – Евгений Алексеев (Уус Алдан), Андрей Аронов (Мирнэй), Никита Хабаров (ХИФУ), Эдуард Максимов (Горнай), Кузьма Сивцев (Нам)…

Көстөрүн курдук, көбүөргэ билигин күннээн туста сылдьар бөҕөстөрү тэҥэ сааһыран эрэр, улахан тустууларын тохтоппут спортсменнар уонна эдэрдэр күөн көрсүөхтэрэ. Ханныгын да иһин сытыы киирсиилэри көрүөхпүт диэн бигэ эрэллээхпит.

Хаартыскаҕа көстөрүнэн, «Парус» спортивнай комплекска үс көбүөр билигин иһийэ сытар. Сарсыҥҥыттан манна сытыы, тыҥааһыннаах хапсыһыылар буолуохтара. Хапсыһыылар сарсыарда 10:00 чаастан саҕаланаллар.

Петр Павлов.     

Добавить комментарий

Ваш адрес email не будет опубликован.