Сыл түмүктэрэ: “Дьулурҕан” бастыҥнара

Куруук буоларыныы, сыл түмүктэниитэ «Дьулурҕан» бэйэтин бастыҥ спортсменнарын ааттыыр. Биһиги син биир уруккулуу, сыл түмүгүнэн ааһан эрэр 2021 сылга бастыҥ көрдөрүүлээх 10 чулуу спортсмены талабыт. Кинилэр кимнээхтэрий?

  1. Арыйаан Тютрин – көҥүл тустуу. Аан дойду чемпионатын боруонса призёра.
  2. Айаал Лазарев – көҥүл тустуу. Азия чемпионатын үрүҥ көмүс призера. Олимпиада кыттыылааҕа.
  3. Эдуард Григорьев – көҥүл тустуу. Европа чемпионатын боруонса призера.
  4. Сардаана Трофимова – чэпчэки атлетика. Марафоҥҥа Россия чемпиона.
  5. Матрена Ноговицына – дуобат. 100 харахтаах дуобакка аан дойду чемпиона.
  6. Петр Васильев – бокс. Профессиональнай боксаҕа 4 рейтиннээх киирсии кыайыылааҕа.
  7. Станислав Свинобоев – көҥүл тустуу. Эдэрдэргэ Россия чемпиона, аан дойду боруонса призёра.
  8. Сандаара Апросимова – дуобат. 64 харахтаах дуобакка (классическай программаҕа) Европа чемпиона.
  9. Гаврил Колесов – дуобат. 64 харахтаах дуобакка (чаҕылханныы оонньууга) Европа чемпиона.
  10. Сергей Фролкин – мас-рестлинг. Европа чемпиона, Россия абсолютнай чемпиона.

Адаптивнай спорка 2021 сыл бастыҥнара:

  1. Степанида Артахинова – оҕунан ытыы. Токиотааҕы Паралимпиада боруонса призёра.
  2. Владимир Балынец – пауэрлифтинг. Аан дойду чемпиона.
  3. Алёна Дмитриева – олорон эрэн волейбол. Европа чемпиона, Токиотааҕы Паралимпиада кыттыылааҕа.

Маны тэҥэ аҕам саастаах спортсменнарбыт: тустуук Вадим Данилов, пауэрлифтердар Александр Скрыбыкин, Петр Баттахов, Антон Адамов уо.д.а. аан дойду таһымнаах күрэхтэһиилэргэ кыайыы көтөллөммүттэрин бэлиэтиир тоҕоостоох.

«Дьулурҕан».

Добавить комментарий

Ваш адрес email не будет опубликован.