Спортсменнарбыт хамаанданан бастаатылар

Москваҕа, доруобуйаларынан хааччахтаах дьоҥҥо аналлаах сылын аайы ыытыллар «Золотой заяц» норуоттар икки ардыларынааҕы күрэхтэһии түмүктэннэ. Манна кыттааччылар армрестлиҥҥэ, бодибилдиҥҥа, гиирэ спордугар уонна дартска күрэхтэстилэр.

Саха сирин спортсменнара хамаанданан «Ультра мастер-класс» номинацияҕа кыайыы көтөллөннүлэр! Кыайыылаах хамаанда 1-кы степеннээх дипломунан, өйдөбүнньүк кубогынан наҕараадаланна. Хамаанда спорка чиэһин Соломонов Илья, Соломонова Мария, Маркова Елизавета, Кривошапкин Михаил, Птицын Евгений, Попов Игорь, Спиридонов Александр, Макаров Гаврил көмүскээтилэр. Бөлөх салайааччытынан тренер Литвинова Марина Дмитриевна сылдьыста.

Хамаандабытын бу ситиһиинэн эҕэрдэлиибит! Инникитин ситиһиилэри баҕарабыт!

«Дьулурҕан».

Добавить комментарий

Ваш адрес email не будет опубликован.