Спорду таптааччылар истиилэригэр!

Саха сиригэр спорт туһунан суруйар соҕотох “Дьулурҕан” хаһыат республикатааҕы “Забота-Арчы” хаһыат иһинэн бэчээттэнэн тахсар. Аны интернет ситимигэр бэйэтэ анал сайтаах.
Кумааҕы хаһыакка сүрүннээн – санаа атастаһыыта, дьүүллэһии, ырытыһыы, сынньалаҥҥа уура сылдьан ааҕыы эбит буоллаҕына, сайтка күннэтэ туох баар сонуннар, хаартыскалар, видеолар тиһиллэн иһэллэр.
Онон эһигини, “Дьулурҕан” сайтын киирэн көрөргүтүгэр, санааҕытын үллэстэргитигэр, сыаналыыргытыгар ыҥырабыт. Интернеккэ http://dzulurgan.ru диэн суруйан киирэҕит.
Итиэннэ туспа Ютуб каналлаахпыт (https://www.youtube.com/channel/UCdQWiPUliiKpPOVV3JKN..). Онно араас күрэхтэһиилэртэн түгэннэри, интервьюлары, видеонан архыыр матырыйаалларын көрүөххүтүн сөп.
Маны тэҥэ Инстаграмҥа @sakhasport_news уонна @dzulurgan64 диэн страницалаахпыт. Спорду сэҥээрээччилэр хаартыскалаах сонуннары, этэргэ дылы, итиитинэ буруолаппытынан онно тута көрөн-ааҕан билиэххитин сөп. Онон Инстаграмҥа биһиги страницаларбытыгар суруттараргытыгар, ыытар үлэбитигэр көхтөөхтүк кыттаргытыгар баҕарабыт.
Ити курдук, “Дьулурҕан” бэйэтэ туспа тэрилтэ курдук дьаһанан, билиҥҥи кэмҥэ сибээс бары көрүҥүн туһанан, спорду таптааччыларга сонуну-нуомаһы тутатына тарҕатарга араас хайысханы тутуһан үлэлииргэ дьулуһар.
Оттон хаһыат ааҕааччылара бэйэҕит суруктаргытын dzulurgan@mail.ru электроннай почтабытыгар ыытыаххытын сөп.
“Дьулурҕаны” кытта доҕордоһуҥ! “Дьулурҕанныын” бииргэ буолуҥ! “Дьулурҕанныын” олоххо тэҥҥэ хаамсыҥ!
“Дьулурҕан”.

Добавить комментарий

Ваш адрес email не будет опубликован. Обязательные поля помечены *