Сахаачча түһүлгэтин кыайыылаахтарынан кимнээх буоллулар?

Бүгүн, олимпийскай чемпион Р.М. Дмитриев аатынан республикатааҕы Олимпийскай эрэллэри бэлэмниир училище тустууга саалатыгар, номоххо киирбит Николай Захаров – Сахаачча аатынан, 21-гэр саастаахтарга Саха сирин көҥүл тустууга күрэхтэһиитэ ыытыллан түмүктэннэ.

Күрэхтэһии кылаабынай судьуйатынан Станислав Афанасьев, кылаабынай секретарынан Кирилл Павлов үлэлээтилэр.

Күрэхтэһии түмүгүнэн Олимпийскай эрэл училищетын иитиллээччилэрэ чорбойдулар. Сунтаар тустууктара эмиэ үчүгэй ситиһиилэннилэр, тренер – Николай Романович Данилов. Ылан көрдөххө, бу улуус кыттааччыта, маастарга кандидат Александр Болуров үчүгэй өйдөбүлү үөскэттэ. Кини, соторутааҕыта Бурятияҕа, Борис Будаев бирииһигэр бастаан кэлбит Олег Фомины уонна өтөрдөөҕүтэ Красноярскайга, Бувайсар Сайтиев аатынан норуоттар икки ардыларынааҕы турнир бастыҥ бөҕөһүнэн ааттаммыт Артем Слепцову иккис-үһүс миэстэлэргэ үтүрүйдэ.

Кэрэхсэбиллээҕэ диэн, Николай Захаров – Сахаачча биир дойдулааҕа уонна кылааһынньыга, Саха сирин үтүөлээх тренерэ Василий Петрович Уваров үс иитиллээччитэ кыайыылааҕынан таҕыста.

Бу түһүлгэ түмүгүнэн Улан-Удэҕэ буолуохтаах Дальнай Восток федеральнай уокуругун күрэхтэһиитигэр республика хамаандата сүүмэрдэнэр.

Күрэхтэһии түмүк көрдөрүүтэ:  

57 кг: 1. Лев Павлов (Сунтаар), 2. Айсен Алексеев, 3. Виктор Яковлев, Николай Заболоцкай (үһүөн – ОЭУ).

61 кг: 1. Александр Болуров (Сунтаар), 2. Олег Фомин, 3. Артем Слепцов (иккиэн – Чурапчы), Юлиан Григорьев (Сунтаар).

65 кг: 1. Иван Потапов (Чурапчы), 2. Аслан Трофимов (Сунтаар), 3. Петр Ксенофонтов (Чурапчы), Николай Иванов (ХИФУ).

70 кг: 1. Уйгулан Протодьяконов (ОЭУ), 2. Эдгар Кудаисов (ХИФУ), 3. Кирилл Мордовской (Чурапчы), Айтал Белолюбскай (ОЭУ).

74 кг: 1. Роман Николаев (ОЭУ), 2. Юлиан Сильвестров (ХИФУ), 3. Михаил Павлов, Дмитрий Старостин (иккиэн – Чурапчы).

79 кг: 1. Ньургун Малышев (ОЭУ), 2. Ян Егоров (Чурапчы), 3. Артур Говоров (Уус Алдан), Василий Слепцов (ОЭУ).

86 кг: 1. Дьулустан Калачев (ХИФУ), 2. Артур Дьяконов (Дьокуускай), 3. Борис Гаврильев (ХИФУ).

92 кг: 1. Айтал Уйгуров, 2. Тит Федоров (иккиэн – ОЭУ), 3. Сарыал Антонов (АГАТУ).

97 кг: 1. Даниил Иванов (ОЭУ), 2. Виталий Николаев (ХИФУ).

125 кг: 1. Михаил Нестеров (ОЭУ), 2. Максим Старостин (ХИФУ).

«Дьулурҕан».

Добавить комментарий

Ваш адрес email не будет опубликован.