Россия Сэбилэниилээх Күүстэргэ миниистирин кубогар

Тыва Республикатын киин куоратыгар Кызылга спортивнай тустууга Россия Сэбилэниилээх Күүстэргэ миниистирин кубогар күрэхтэһии бүгүҥҥүттэн саҕаланна.

Барыта 8 хамаанда (ЦСКА, ЮВО, СФ, ВВО, 41ОА, ЦВО, ЗВО, ВДВ) сэрэбиэй быһыытынан икки бөлөххө араарылынна. Кинилэр хамаанданан сирэй көрсөн, кыайыылааҕы быһаарсыахтара. Балаһыанньа олоҕуран, хамаанда састааба көҥүл уонна гректии-римнии тустууктартан талылынна.

Хамаандалар састааптарыгар Начын Монгуш, Начын Куулар, Сайын Казырык, Базар Жалсапов, Никита Сучков, Игорь Овсянников, Балдан Цыжипов, Азамат Тускаев, Магомед Курбаналиев уо.д.а. аҥардас көҥүл тустууга биллэр бөҕөстөр бааллар.

Күрэхтэһии икки күн ыытыллар. Ол туһунан биһиги сайтпыт сырдатан иһиэҕэ.

«Дьулурҕан».

Добавить комментарий

Ваш адрес email не будет опубликован. Обязательные поля помечены *