Россия Польшалыын киирсэр буолла

Эрдэ иһитиннэрбиппит курдук, Цюрих куоракка, Европа континенын футболга аан дойду чемпионатыгар сүүмэрдиир бүтэһик түһүмэҕин сэрэбиэйэ буолла. Балаһыанньа быһыытынан, онно 12 хамаанда талыллан, үс бөлөххө хайдыһан оонньуоҕа, кыайыылаахтар Катарга барар быраабы ылыахтара.   

Дьэ, сэрэбиэй түмүгэ маннык буолла:

А бөлөх

Шотландия – Украина

Уэльс – Австрия.

В бөлөх

Россия – Польша

Швеция – Чехия.

С бөлөх

Италия – Хотугу Македония

Португалия – Турция.

Дьэ, бу үс (А, В, С) бөлөхтөн кыайыылаахтар эрэ Катарга барар быраабы ылыахтара. Манна, “хараҕа суох сэрэбиэй” Италия уонна Португалия курдук күүстээх хамаандалары бииргэ көрсүһүннэрбит. Ол аата, мантан биирдэрэ аан дойду чемпионатыттан мэлийэр.

Өскөтүн, россияннар Польшаны аастахтарына, Швеция – Чехия пааратын кыайыылааҕын кытта көрсүөхтэрэ. Россия хамаандата ити икки көрсүһүүгэ бэйэтин дьиэтигэр оонньуур. Бастакы оонньуу эһиил кулун тутар 24 күнүгэр буолуоҕа.

Россия хамаандата Польшаны кытта кэнники биэс оонньуутун ылан көрдөххө, сыыппаралар-чахчылар манныгы кэпсииллэр: 1996 с. бэйэтин дьиэтигэр табаарыстыы көрсүһүүгэ 2:0 ахсаанынан кыайбыт; 1998 с. Польшаҕа буолбут эмиэ табаарыстыы көрсүһүүгэ 1:3 хотторбут; 2007 с. Россияҕа буолбут табаарыстыы көрсүһүүгэ тэҥнэспиттэр (2:2); 2012 с. Европа чемпионатыгар эмиэ тэҥнэспиттэр (1:1); быйыл сайын Польшаҕа ыытыллыбыт табаарыстыы көрсүһүү эмиэ 1:1 ахсаанынан түмүктэммит.

Онон, ылан көрдөххө, Россия — Польша футболга сүүмэрдэммит хамаандаларын кэнники биэс сирэй көрсүүлэрин ахсаана: 1-дии кыайыылаахтар уонна 3-түү тэҥнэһиилээхтэр.

«Дьулурҕан».

 

Добавить комментарий

Ваш адрес email не будет опубликован.