Миндиашвили турнирыттан биэс мэтээл!

Красноярскайга — ССРС, Россия, Грузия үтүөлээх тренерэ Дмитрий Георгиевич Миндиашвили сырдык кэриэһигэр көҥүл тустууга эр дьоҥҥо Бүтүн Россиятааҕы 1-кы турнир түмүктэннэ. Онно сүрүннээн Дальнай Восток уонна Сибиир бөҕөстөрө күүстэрин холостулар.

Саха сирин хамаандата түмүккэ биэс мэтээллэннэ. Ол курдук, Дьулустаан Федотов (тренерэ Данил Неустроев) 57 киилэҕэ сүрдээх эрэллээхтик тустан бастаата. Онон үүнэн-сайдан иһэрин итэҕэттэ. Манна сыһыары тутан эттэххэ, кини соторутааҕыта Горнайга, бырааттыы Герман уонна Александр Контоевтары чиэстиир күрэхтэһиигэ тэҥнээҕин эмиэ булбатаҕа.

Иккис кыһыл көмүс мэтээли Петр Константинов (тренердэрэ Никита Никифоров, Прокопий Иванов) аҕалла. Кини 61 кг ыйааһыҥҥа пъедестал үрдүкү үктэлигэр таҕыста.

Ити курдук, өссө Тимур Николаев (74 кг кг) уонна Эдуард Максимов (125 кг) иккис, Константин Власов (70 кг) үһүс миэстэлэри ыллылар.

Түһүлгэ түмүк көрдөрүүтэ:

57 кг: 1. Дьулустан Федотов (Саха сирэ), 2. Агым Монгуш, 3. Чалай Кужегет, 3. Аяндай Ондар (үһүөн – Тываттан).

61 кг: 1. Петр Константинов (Саха сирэ), 2. Кежик Монгуш (Тыва), 3. Геннадий Штыгашев (Хакасия), 3. Ефим Кормильцев (Тюмень).

65 кг: 1. Кежик Чымба (Тыва), 2. Юлиан Гергенов (Иркутскай), 3. Булат Батоев (Бурятия), 3. Эзир Тюлюш (Тыва).

70 кг: 1. Усман Шахгириев (Красноярскай), 2. Сайын Казырык (Тыва), 3. Константин Власов (Саха сирэ), 3. Алексей Боровицкай (Бурятия).

74 кг: 1. Арбак Сат (Тыва), 2. Тимур Николаев (Саха сирэ), 3. Николай Донзаленко (Красноярскай), 3. Никита Жаргалов (Бурятия).

79 кг: 1. Никита Сучков (Красноярскай), 2. Магомедгаджи Даитбеков (Пермь), 3. Илья Крылов, 3. Дмитрий Зайнидинов (иккиэн – Красноярскай).

86 кг: 1. Азрет Улимбашев, 2. Тимур Котаев, 3. Александр Ситцев (бары – Красноярскай).

92 кг: 1. Александр Кондратов, 2. Магомед Алиев (иккиэн — Красноярскай), 3. Ламберт Харонов (Брянскай).

97 кг: 1. Эрик Джиоев, 2. Павел Алексеев, 3. Григорий Хорошавцев (үһүөн – Красноярскай).

125 кг: 1. Владимир Калашников (Кемерово), 2. Эдуард Максимов (Саха сирэ), 3. Шота Кортиев (Иркутскай), 3. Михаил Зинов (Кемерово).

«Дьулурҕан».

Добавить комментарий

Ваш адрес email не будет опубликован.